ഹോട്ടല് ജീവനക്കാര്ക്ക് ഹെല്ത്ത് കാര്ഡ് നിര്ബന്ധമാക്കും
BY fousiya sidheek29 Jun 2017 3:46 AM GMT
fousiya sidheek29 Jun 2017 3:46 AM GMT
പത്തനംതിട്ട: ജില്ലയിലെ ഹോട്ടലുകളില് ജോലി ചെയ്യുന്ന എല്ലാവര്ക്കും ഹെല്ത്ത് കാര്ഡ് നിര്ബന്ധമാക്കുന്നതിനും യഥാസമയം കാര്ഡുകള് പുതുക്കി നല്കുന്നതിന് തദ്ദേശഭരണ സ്ഥാപനങ്ങള്ക്ക് നിര്ദേശം നല്കുന്നതിനും ഹോട്ടല് ആന്റ് റസ്റ്റോറന്റ് അസോസിയേഷന് ഭാരവാഹികളുടെ യോഗത്തില് തീരുമാനമായി. ജില്ലാ കലക്ടര് ആര് ഗിരിജ അധ്യക്ഷത വഹിച്ചു. ജില്ലയിലെ തട്ടുകടകളില് പരിശോധന നടത്തി ശുചിത്വ നിലവാരം ഉറപ്പാക്കുന്നതിന് ഭക്ഷ്യസുരക്ഷാ വകുപ്പിനും തദ്ദേശഭരണ സ്ഥാപനങ്ങളിലെ ബന്ധപ്പെട്ട ഉദ്യോഗസ്ഥര്ക്കും നിര്ദേശം നല്കും. മാനദണ്ഡലങ്ങള് പാലിക്കാത്ത തട്ടുകടകള്ക്ക് ആദ്യപടിയായി പിഴ ചുമത്തുന്നതിനും വീണ്ടും നിയമലംഘനം നടത്തിയാല് അവ അടച്ചുപൂട്ടുന്നതിനും നടപടി സ്വീകരിക്കുമെന്നും കലക്ടര് അറിയിച്ചു. ജില്ലയിലെ ഹോട്ടലുകളിലും റസ്റ്റോറന്റുകളിലും പ്ലാസ്റ്റിക്ക് പേപ്പറുകള്, പേപ്പര് കപ്പുകള് തുടങ്ങിയവയില് ആഹാര സാധനങ്ങള് നല്കുന്നത് കാന്സര് ഉള്പ്പെടെയുള്ള രോഗങ്ങള്ക്ക് കാരണമാകുമെന്ന് ഡിഎംഒ ഡോ. സോഫിയ ബാനു അറിയിച്ചു. ചൂടുള്ള ആഹാര സാധനങ്ങള് പ്ലാസ്റ്റിക്കിലും പേപ്പറിലും പൊതിയുന്നത് ഗുരുതരമായ ആരോഗ്യ പ്രശ്നങ്ങള്ക്ക് കാരണമാകുമെന്നതിനാല് ഇത്തരം പ്രവൃത്തികളില് നിന്ന് എല്ലാ ഹോട്ടലുടമകളും വിട്ടുനില്ക്കണമെന്ന് കളക്ടര് അഭ്യര്ഥിച്ചു. ശുചീകരണത്തിന്റെ ഭാഗമായി നടക്കുന്ന പ്രവര്ത്തനങ്ങളില് ജില്ലയിലെ എല്ലാ ഹോട്ടലുകളും പങ്കാളികളാകുമെന്ന് ഹോട്ടല് ആന്റ് റസ്റ്റോറന്റ് അസോസിയേഷന് ഭാരവാഹികള് അറിയിച്ചു. പ്ലാസ്റ്റിക്കിന്റെ ദൂഷ്യവശങ്ങളെക്കുറിച്ച് ജനങ്ങളെ ബോധവത്കരിക്കുന്നതിന് വാട്സ് അപ്, ഫേസ്ബുക്ക് തുടങ്ങിയ നവമാധ്യമങ്ങള് കൂടി ഉപയോഗിച്ചുള്ള പ്രചരണങ്ങള് ശക്തിപ്പെടുത്താനും യോഗത്തില് തീരുമാനമായി. യോഗത്തില് ദുരന്ത നിവാരണം ഡെപ്യുട്ടി കലക്ടര് വി ബി ഷീല പങ്കെടുത്തു.
Next Story
RELATED STORIES
അമിത് ഷാ ഗുണ്ടയും റൗഡിയുമാണെന്ന് യതീന്ദ്ര സിദ്ധരാമയ്യ
29 March 2024 7:14 AM GMTകെജ് രിവാളിന്റെ അറസ്റ്റില് പ്രതികരണവുമായി യു എന്; രാഷ്ട്രീയ...
29 March 2024 6:32 AM GMTപേരാമ്പ്ര അനു കൊലപാതകം; പ്രതി മുജീബ് റഹ്മാന്റെ ഭാര്യ റൗഫീന അറസ്റ്റില്
29 March 2024 6:25 AM GMTഎയര് ഇന്ത്യ അഴിമതിക്കേസില് പ്രഫുല് പട്ടേലിന് ക്ലീന് ചിറ്റ് നല്കി...
29 March 2024 6:22 AM GMTപാസഞ്ചര് ടാക്സി 300 അടി താഴ്ചയിലേക്ക് വീണ് 10 മരണം; സംഭവം ജമ്മു...
29 March 2024 6:18 AM GMTഅരലക്ഷം കടന്ന് സ്വര്ണവില കുതിക്കുന്നു; പവന് 50,400 രൂപ
29 March 2024 6:17 AM GMT