ഹോട്ടലിലെ പ്ലാസ്റ്റിക് മാലിന്യം കത്തിക്കുന്നത് തെരുവില്‍
8 Dec 2017 4:59 AM GMT
പഴയങ്ങാടി: താവത്ത് ബാര്‍ ഹോട്ടലിലെ പ്ലാസ്റ്റിക് മാലിന്യം പരസ്യമായി കൂട്ടിയിട്ട് കത്തിക്കുന്നത് പ്രദേശവാസികള്‍ക്ക് ദുരിതമാവുന്നു. ബാര്‍ ഹോട്ടലിന് സമീപം ജനവാസകേന്ദ്രത്തിലെ പറമ്പിലാണ് വന്‍തോതില്‍ പ്ലാസ്റ്റിക് മാലിന്യം കത്തിക്കുന്നത്. അസഹ്യമായ ദുര്‍ഗന്ധവും പുകശല്യവും കാരണം ദുരിതത്തിലാണ് പ്രദേശവാസികള്‍. മാലിന്യസംസ്‌കരണത്തിന് ചെറുകുന്ന് പഞ്ചായത്ത് വിവിധ പദ്ധതികള്‍ നടപ്പാക്കുന്നുണ്ടെങ്കിലും ബാര്‍ ഹോട്ടലിന് ഇതൊന്നും ബാധകമല്ലാത്ത അവസ്ഥയാണ്. ഇത്തരം പ്രശ്‌നങ്ങളില്‍ ആരോഗ്യവകുപ്പ് അധികൃതരും നടപടി സ്വീകരിക്കുന്നില്ല.
പ്രദേശത്തെ വീടുകളിലെ പ്ലാസ്റ്റിക് മാലിന്യം പഞ്ചായത്ത് മുന്‍കൈയെടുത്ത് ശേഖരിക്കുന്നുണ്ട്. എന്നാല്‍ വന്‍കിട ഹോട്ടലുകള്‍ നടത്തുന്ന ഇത്തരം പ്രവൃത്തികള്‍ക്കെതിരേ നടപടിയെടുക്കാന്‍ അധികൃതര്‍ ഒരുക്കമല്ല.
പ്രദേശത്തെ വീടുകളിലെ പ്ലാസ്റ്റിക് മാലിന്യം പഞ്ചായത്ത് മുന്‍കൈയെടുത്ത് ശേഖരിക്കുന്നുണ്ട്. എന്നാല്‍ വന്‍കിട ഹോട്ടലുകള്‍ നടത്തുന്ന ഇത്തരം പ്രവൃത്തികള്‍ക്കെതിരേ നടപടിയെടുക്കാന്‍ അധികൃതര്‍ ഒരുക്കമല്ല.
Next Story
