ഹൈദരാബാദ് വിസിയെ മാറ്റാന്‍ പ്രധാനമന്ത്രിയോട് ആവശ്യപ്പെടും: തെലുങ്കാന മുഖ്യമന്ത്രി

[related]



ഹൈദരാബാദ്: ഹൈദരാബാദ് സര്‍വകലാശാല വൈസ് ചാന്‍സലര്‍ പി അപ്പറാവുവിനെ തല്‍സ്ഥാനത്ത് നിന്ന് മാറ്റാന്‍ പ്രധാനമന്ത്രി നരേന്ദ്ര മോഡിയോട് ആവശ്യപ്പെടുമെന്ന് തെലുങ്കാന മുഖ്യമന്ത്രി കെ ചന്ദ്രശേഖര്‍ റാവു അറിയിച്ചു. രണ്ടു ദിവസം കൊണ്ട് ഇതിനു തീരുമാനം ഉണ്ടാവും-നിയമസഭയിലെ ചര്‍ച്ചയ്ക്കിടെയാണ് മുഖ്യമന്ത്രി ഇക്കാര്യം അറിയിച്ചത്.
രോഹിത് വെമുല എന്ന ദലിത് വിദ്യാര്‍ത്ഥിയുടെ ആത്മഹത്യക്ക് കാരണക്കാരനായ വിസി ആരോപണത്തെ തുടര്‍ന്ന് അവധിയിലായിരുന്നു. തുടര്‍ന്ന് ഒരാഴ്ചയ്ക്കിടെ വീണ്ടും അദ്ദേഹം ജോലിയില്‍ പ്രവേശിച്ചു. തുടര്‍ന്ന് സര്‍വകലാശാലയില്‍ വീണ്ടും പ്രതിഷേധം അരങ്ങേറിയിരിക്കുകയാണ്.