ഹിസ്‌ബെ ഇസ്‌ലാമിമുന്‍ സെക്രട്ടറി പാകിസ്താനില്‍ വെടിയേറ്റു മരിച്ചു

ഇസ്്‌ലാമാബാദ്: ഗുല്‍ബുദ്ദീന്‍ ഹിക്മതിയാര്‍ നേതൃത്വം നല്‍കുന്ന അഫ്ഗാനിലെ ഹിസ്‌ബെ ഇസ്്‌ലാമി സംഘത്തിന്റെ മുതിര്‍ന്ന അംഗം പാകിസ്താനില്‍ അജ്ഞാത സംഘത്തിന്റെ വെടിയേറ്റു മരിച്ചു. സംഘത്തിന്റെ മുന്‍ വക്താവ് ഹാജി ഫരീദാണ് വടക്കു പടിഞ്ഞാറന്‍ പാക് നഗരമായ പെഷാവറില്‍ കൊല്ലപ്പെട്ടത്. പെഷാവറിന് പ്രാന്തപ്രദേശത്തുള്ള തജാബാദിലെ സ്വവസതിക്കു സമീപത്തെ പള്ളിയില്‍നിന്നു സുബ്ഹി നമസ്‌കാരത്തിനു ശേഷം പുറത്തിറങ്ങവെയാണ് മോട്ടോര്‍ സൈക്കിളിലെത്തിയ സംഘം വെടിയുതിര്‍ത്തത്. ഫരീദ് സംഭവസ്ഥലത്തുവച്ചുതന്നെ മരിച്ചതായി പോലിസ് അറിയിച്ചു. കുണ്ടുസില്‍ ജനിച്ച ഫരീദ് കഴിഞ്ഞ ഒരു ദശാബ്ദമായി കുടുംബത്തോടൊപ്പം പെഷാവറിലാണ് താമസം.