സ്വാതന്ത്ര്യം സംരക്ഷിക്കുന്ന രാഷ്ട്രമെന്ന പ്രതിച്ഛായ ഇന്ത്യക്കു നഷ്ടപ്പെട്ടു: ചോംസ്കി
BY Sumeera SMR6 March 2016 7:41 PM GMT
Sumeera SMR6 March 2016 7:41 PM GMT
ന്യൂഡല്ഹി: പൗരസ്വാതന്ത്ര്യവും മനുഷ്യാവകാശവും സംരക്ഷിക്കുന്ന രാഷ്ട്രമെന്ന ഇന്ത്യയുടെ പ്രതിച്ഛായ തകര്ന്നുകൊണ്ടിരിക്കുകയാണെന്ന് വിഖ്യാത ചിന്തകനും വിദ്യാഭ്യാസ വിചക്ഷണനുമായ നോം ചോസ്കി. അമേരിക്കയില് നിന്ന് ഇ-മെയിലിലൂടെ പിടിഐക്ക് അനുവദിച്ച അഭിമുഖത്തിലാണ് ചോംസ്കി ഇക്കാര്യം പറഞ്ഞത്. ജെഎന്യു വിഷയത്തില് സര്വകലാശാലാ അധികൃതരെ വിമര്ശിച്ച് ചോംസ്കി നേരത്തെ കത്തയച്ചിരുന്നു.
അസഹിഷ്ണുത ഇന്ത്യയില് മാത്രം ഒതുങ്ങിനില്ക്കുന്നില്ല. എല്ലായിടത്തും വ്യാപകമായുണ്ട്. ഇന്ത്യ സ്വാതന്ത്ര്യവും മനുഷ്യാവകാശവും നീതിയും സംരക്ഷിക്കുന്നതില് പരാജയപ്പെട്ടു. രാഷ്ട്രീയ സ്വാതന്ത്ര്യത്തിന്റെയും ജനാധിപത്യത്തിന്റെയും ഉരകല്ലാണ് വിദ്യാഭ്യാസ സ്ഥാപനങ്ങളിലെ സ്വാതന്ത്ര്യം. ഉന്നതവിദ്യാഭ്യാസ മേഖലയില് ആഗോളതലത്തില് സ്വകാര്യവല്ക്കരണം വന്നതോടെ ഈ സ്വാതന്ത്ര്യം നിഷേധിക്കപ്പെടുകയാണ്. ഏകാധിപത്യ സംസ്കാരത്തിന്റെ ഭീഷണിയുടെ സൂചനകളാണ് ജെഎന്യു സംഭവത്തിലൂടെ വ്യക്തമാവുന്നതെന്നും ചോംസ്കി അഭിപ്രായപ്പെട്ടു.
2016ന്റെ തുടക്കത്തോടെ മൂന്നു പ്രധാന സംഭവങ്ങളാണ് സ്വാതന്ത്ര്യവുമായി ബന്ധപ്പെട്ടു ലോകത്തുണ്ടായത്. തുര്ക്കി സര്ക്കാര് കുര്ദുകള്ക്കെതിരായി നടത്തിയ യുദ്ധമാണ് ഒന്ന്. ജെഎന്യു, ഹൈദരാബാദ് സര്വകലാശാല വിദ്യാര്ഥികള്ക്കെതിരായ ഇന്ത്യന് സര്ക്കാരിന്റെ നടപടിയാണു രണ്ടാമത്തേത്. മൂന്നാമത്തേത് കെയ്റോയില് ഇറ്റാലിയന് ഗവേഷക വിദ്യാര്ഥി ഗിയുലിയോ റെജിനിയെ ക്രൂരമായി മര്ദ്ദിച്ചു കൊലപ്പെടുത്തിയ സംഭവമാണെന്നും ചോംസ്കി പറഞ്ഞു. മാസച്ചുസിറ്റ്സ് ടെക്നോളജി ഇന്സ്റ്റിറ്റിയൂട്ടിലെ തത്വശാസ്ത്ര-ഭാഷ വിഷയത്തില് വിസിറ്റിങ് പ്രഫസറാണ് ചോംസ്കി. ആധുനിക ഭാഷാ ശാസ്ത്രത്തിന്റെ പിതാവ് എന്നാണദ്ദേഹം അറിയപ്പെടുന്നത്. ഹാവഡ്, കൊളംബിയ സര്വകലാശാലകള് അടക്കം ലോകത്തിന്റെ വിവിധ സര്വകലാശാലകള് അദ്ദേഹത്തിന് ബിരുദങ്ങള് നല്കിയിട്ടുണ്ട്.
അസഹിഷ്ണുത ഇന്ത്യയില് മാത്രം ഒതുങ്ങിനില്ക്കുന്നില്ല. എല്ലായിടത്തും വ്യാപകമായുണ്ട്. ഇന്ത്യ സ്വാതന്ത്ര്യവും മനുഷ്യാവകാശവും നീതിയും സംരക്ഷിക്കുന്നതില് പരാജയപ്പെട്ടു. രാഷ്ട്രീയ സ്വാതന്ത്ര്യത്തിന്റെയും ജനാധിപത്യത്തിന്റെയും ഉരകല്ലാണ് വിദ്യാഭ്യാസ സ്ഥാപനങ്ങളിലെ സ്വാതന്ത്ര്യം. ഉന്നതവിദ്യാഭ്യാസ മേഖലയില് ആഗോളതലത്തില് സ്വകാര്യവല്ക്കരണം വന്നതോടെ ഈ സ്വാതന്ത്ര്യം നിഷേധിക്കപ്പെടുകയാണ്. ഏകാധിപത്യ സംസ്കാരത്തിന്റെ ഭീഷണിയുടെ സൂചനകളാണ് ജെഎന്യു സംഭവത്തിലൂടെ വ്യക്തമാവുന്നതെന്നും ചോംസ്കി അഭിപ്രായപ്പെട്ടു.
2016ന്റെ തുടക്കത്തോടെ മൂന്നു പ്രധാന സംഭവങ്ങളാണ് സ്വാതന്ത്ര്യവുമായി ബന്ധപ്പെട്ടു ലോകത്തുണ്ടായത്. തുര്ക്കി സര്ക്കാര് കുര്ദുകള്ക്കെതിരായി നടത്തിയ യുദ്ധമാണ് ഒന്ന്. ജെഎന്യു, ഹൈദരാബാദ് സര്വകലാശാല വിദ്യാര്ഥികള്ക്കെതിരായ ഇന്ത്യന് സര്ക്കാരിന്റെ നടപടിയാണു രണ്ടാമത്തേത്. മൂന്നാമത്തേത് കെയ്റോയില് ഇറ്റാലിയന് ഗവേഷക വിദ്യാര്ഥി ഗിയുലിയോ റെജിനിയെ ക്രൂരമായി മര്ദ്ദിച്ചു കൊലപ്പെടുത്തിയ സംഭവമാണെന്നും ചോംസ്കി പറഞ്ഞു. മാസച്ചുസിറ്റ്സ് ടെക്നോളജി ഇന്സ്റ്റിറ്റിയൂട്ടിലെ തത്വശാസ്ത്ര-ഭാഷ വിഷയത്തില് വിസിറ്റിങ് പ്രഫസറാണ് ചോംസ്കി. ആധുനിക ഭാഷാ ശാസ്ത്രത്തിന്റെ പിതാവ് എന്നാണദ്ദേഹം അറിയപ്പെടുന്നത്. ഹാവഡ്, കൊളംബിയ സര്വകലാശാലകള് അടക്കം ലോകത്തിന്റെ വിവിധ സര്വകലാശാലകള് അദ്ദേഹത്തിന് ബിരുദങ്ങള് നല്കിയിട്ടുണ്ട്.
Next Story
RELATED STORIES
ദുബായ് വിമാനത്താവളത്തില് നിയന്ത്രണം; വിമാനം പുറപ്പെടുമെന്ന് ഉറപ്പ്...
19 April 2024 10:41 AM GMTപ്രിയ വര്ഗീസിന്റെ നിയമനം; ഹൈക്കോടതി വിധിക്കെതിരായ ഹരജി അടിയന്തരമായി ...
19 April 2024 10:37 AM GMTകൂച്ച്ബിഹാറില് തിരഞ്ഞെടുപ്പ് ഡ്യൂട്ടിയില് ഉണ്ടായിരുന്ന സിആര്പിഎഫ്...
19 April 2024 6:32 AM GMTകോന്നി ഗവ മെഡിക്കല് കോളജ് അത്യാഹിതവിഭാഗത്തിലേക്ക് കാട്ടുപന്നിക്കുഞ്ഞ് ...
19 April 2024 6:30 AM GMTയു.എന്നില് ഫലസ്തീന് അംഗത്വം; രക്ഷാ സമിതിയുടെ പ്രമേയം വീറ്റോ ചെയ്ത്...
19 April 2024 6:08 AM GMTകാസര്കോടിന് പിന്നാലെ പത്തനംതിട്ട മണ്ഡലത്തിലും മോക് പോളില് ഇവി എം...
19 April 2024 5:53 AM GMT