സ്വകാര്യ ആശുപത്രി മാനേജ്മെന്റുകള് നല്കിയ ഹരജി തള്ളി
BY fousiya sidheek10 Nov 2017 3:56 AM GMT
fousiya sidheek10 Nov 2017 3:56 AM GMT
ന്യൂഡല്ഹി: കേരളത്തിലെ സ്വകാര്യ ആശുപത്രികളിലെ നഴ്സുമാരുടെ ശമ്പളവര്ധന പരിഷ്കരിച്ച സമിതിയുടെ ഘടന ചോദ്യം ചെയ്ത് ആശുപത്രി മാനേജ്മെന്റുകള് സമര്പ്പിച്ച ഹരജി സുപ്രിംകോടതി തള്ളി. ശമ്പളപരിഷ്കരണത്തിനുള്ള സമിതിയെക്കുറിച്ചു പരാതിയുണ്ടായിരുന്നുവെങ്കില് എന്തുകൊണ്ട് നേരത്തേ ഉന്നയിച്ചില്ലെന്നും സര്ക്കാരിനു സമിതി രൂപീകരിക്കാനുള്ള അവകാശമുണ്ടെന്നും വ്യക്തമാക്കിയാണ് ജസ്റ്റിസ് എ കെ ഗോയല് അധ്യക്ഷനായ ബെഞ്ചിന്റെ നടപടി. സംസ്ഥാന സര്ക്കാര് നിയോഗിച്ച കമ്മിറ്റിയുടെ തീരുമാനങ്ങള് നടപ്പാക്കരുതെന്നും തങ്ങളുടെ ഭാഗം പരിഗണിക്കാതെയാണ് കമ്മിറ്റി തീരുമാനമെടുത്തതെന്നും ചൂണ്ടിക്കാണിച്ചാണ് ആശുപത്രി ഉടമകളുടെ സംഘടനയായ പ്രൈവറ്റ് ഹോസ്പിറ്റല് മാനേജ്മെന്റ് അസോസിയേഷന് സുപ്രിംകോടതിയെ സമീപിച്ചത്. കഴിഞ്ഞമാസം ഹരജി പരിഗണിച്ചപ്പോള് സമിതിയുടെ ശുപാര്ശകള് നടപ്പാക്കുന്നത് കോടതി ഒരാഴ്ചത്തേക്ക് തടഞ്ഞിരുന്നു. സമിതി രൂപീകരണവുമായി ബന്ധപ്പെട്ട് കോടതി സംസ്ഥാന സര്ക്കാരിനോട് വിശദീകരണവും തേടിയിരുന്നു. സര്ക്കാരിന്റെ മറുപടിയും ഇരുവിഭാഗത്തിന്റെ വാദവും കേട്ടശേഷമാണ് ഇന്നലെ കോടതി മാനേജ്മെന്റുകളുടെ ഹരജി തള്ളിയത്. മാനേജ്മെന്റുകളുടെ പ്രതിനിധികള് സമിതിയില് ഉണ്ടല്ലോ. ശമ്പളപരിഷ്കരണ സമിതിയിലെ എച്ച്ആര് മാനേജര് അടക്കമുള്ളവര് മാനേജ്മെന്റിനെയല്ലേ പ്രതിനിധീകരിക്കുന്നതെന്നും കോടതി ചോദിച്ചു.
Next Story
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT