സിപിഎമ്മുകാര് സിപിഐ ഓഫിസ് തകര്ത്തുമയ്യില്
BY fousiya sidheek8 Jun 2017 4:26 AM GMT
fousiya sidheek8 Jun 2017 4:26 AM GMT
(കണ്ണൂര്): കമ്മ്യൂണിസ്റ്റ് പാര്ട്ടിയുടെ കര്ഷകത്തൊഴിലാളി സംഘടനയായ കര്ഷക പ്രസ്ഥാനം രൂപീകരിക്കപ്പെട്ട വിഷ്ണുഭാരതീയന്റെ വീട് ഉള്പ്പെടുന്ന കണ്ണൂര് ജില്ലയിലെ കൊളച്ചേരി പഞ്ചായത്തില് സിപിഐ ഓഫിസ് സിപിഎം പ്രവര്ത്തകര് തകര്ത്തു. മൂന്നുദിവസം മുമ്പ് സിപിഎം ഓഫിസായ പാടിക്കുന്ന് രക്തസാക്ഷി മന്ദിരം ആക്രമിക്കപ്പെട്ടതിന്റെ പ്രതിഷേധ പരിപാടിയില് പങ്കെടുത്ത് മടങ്ങിയ സിപിഎം പ്രവര്ത്തകരാണ് സിപിഐ കൊളച്ചേരി ലോക്കല് കമ്മിറ്റി ഓഫിസായ കരിങ്കല്ക്കുഴിയിലെ ഇ കുഞ്ഞിരാമന് നായര് സ്മാരക മന്ദിരം അടിച്ചുതകര്ത്തത്. അതേസമയം, സിപിഐ ഓഫിസ് തകര്ത്തവരെ തള്ളിപ്പറഞ്ഞ് സിപിഎം ജില്ലാ നേതൃത്വം അക്രമവുമായി ബന്ധപ്പെട്ട് മയ്യില് പോലിസ് അറസ്റ്റ് ചെയ്ത അഞ്ചുപേര്ക്കെതിരേ അച്ചടക്ക നടപടി എടുത്തതായും അറിയിച്ചു. ആക്രമിക്കപ്പെട്ട ഓഫിസ് സിപിഎം കണ്ണൂര് ജില്ലാ സെക്രട്ടറി പി ജയരാജന് ഉള്പ്പെടെയുള്ളവര് സന്ദര്ശിച്ചു. ഇതോടെ, വര്ഷങ്ങളായി കൊളച്ചേരിയില് ഉടലെടുത്ത സിപിഎം-സിപിഐ പോരിന് പുതിയ മാനം കൈവന്നു. 2012 മെയ് 4ന് പന്ന്യന് രവീന്ദ്രന് ഉദ്ഘാടനം ചെയ്ത ഓഫിസിനു നേരേ ഇക്കഴിഞ്ഞ ഫെബ്രുവരി 18ന് രാത്രിയും ആക്രമണമുണ്ടായിരുന്നു. സിപിഐ ലോക്കല് സെക്രട്ടറി പി രവീന്ദ്രന് നല്കിയ പരാതിയില് മയ്യില് പോലിസ് കേസെടുത്ത് അഞ്ചു സിപിഎം പ്രവര്ത്തകരെ അറസ്റ്റ് ചെയ്തു. ഓഫിസ് സിപിഐ ജില്ലാ സെക്രട്ടറി പി സന്തോഷ് കുമാര്, മണ്ഡലം സെക്രട്ടറി കെ വി ഗോപിനാഥ്, ജില്ലാ പഞ്ചായത്ത് സ്ഥിരം സമിതി ചെയര്മാന് വി കെ സുരേഷ് ബാബു സന്ദര്ശിച്ചു.
Next Story
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT