സിപിഎം ജില്ലാ കമ്മിറ്റി അംഗത്തിന്റെ വീടിന് നേരെ ബോംബേറ്
BY fousiya sidheek20 Jun 2017 7:19 AM GMT
fousiya sidheek20 Jun 2017 7:19 AM GMT
കുറ്റിയാടി: കുറ്റിയാടിയില് സി പിഎം ജില്ലാകമ്മിറ്റി അംഗത്തിന്റെ വീടിനുനേരെ ബോംബേറ്. സിപിഎം ജില്ലാ കമ്മിറ്റി അംഗവും കെഎസ്ടിഎ ജില്ലാ സെക്രട്ടറിയുമായ കെ കെ ദിനേശന് മാസ്റ്ററുടെ മീത്തലെ വടയത്തെ വീടിനുനേരെയാണു അജ്ഞാതസംഘം ബോംബെറിഞ്ഞത്. കഴിഞ്ഞദിവസം പുലര്ച്ചെ 2.30നാണു സംഭവം. ഉഗ്രസ്ഫോടന ശേഷിയുള്ള രണ്ടു സ്റ്റീല് ബോംബുകളാണു വീടിനുനേരെ എറിഞ്ഞത്. മുന്വശത്തെ വാതിലും ജനല്പാളിയും നിലത്ത് പതിച്ച ടൈലുകളും പാടെ തകര്ന്നു. ശബ്ദം കേട്ട് വീട്ടുകാരും സമീപവാസികളും ഓടിയെത്തിയെങ്കിലും പ്രതികള് രക്ഷപ്പെട്ടു. കുറ്റിയാടി പോലിസും ബോംബ് സ്ക്വോഡും സംഭവസ്ഥലം സന്ദര്ശിച്ചു. ദിനേശന് മാസ്റ്ററെ കൊലപ്പെടുത്തുക എന്ന ലക്ഷ്യത്തോടെ ആര്എസ്എസ്സുകാരാണ് ബോംബ് എറിഞ്ഞതെന്ന് സിപിഎം ആരോപിച്ചു. പൊതുവെ സമാധാനം നിലനില്ക്കുന്ന പ്രദേശത്ത് ബോധപൂര്വം കുഴപ്പങ്ങള് സൃഷ്ടിക്കാന് ശ്രമിക്കുന്ന ശക്തികളെ നിയമത്തിനുമുന്നില് കൊണ്ടുവരണമെന്ന് സിപിഎം ലോക്കല് കമ്മിറ്റി ആവശ്യപ്പെട്ടു. പി പി ചന്ദ്രന് അധ്യക്ഷതവഹിച്ചു. കെ പി ചന്ദ്രി, ടി കെ മോഹന് ദാസ്, സി എന് ബാലകൃഷ്ണന്, പി സി രവീന്ദ്രന്, ഇ കെ നാണു, അരീക്കര അബ്ദുല് അസീസ്, കെ കണാരന്, കെ കെ ഗിരീഷ്, കെ വി ഷാജി, വി വി മുഹമ്മദ് തുടങ്ങിയവര് സംസാരിച്ചു.
Next Story
RELATED STORIES
പുൽപ്പള്ളി-മാനന്തവാടി റോഡിൽ കാട്ടാനയുടെ മുന്നില്നിന്ന് കാർ...
29 March 2024 11:07 AM GMTകോവിഡിനെ തുടർന്ന് ജോലി നഷ്ടമായപ്പോൾ മോഷണം തുടങ്ങി; ടെക്കി യുവതി...
29 March 2024 11:06 AM GMTപട്ടാമ്പി-പാലക്കാട് റൂട്ടിലെ റെയിൽവേ ഗേറ്റ് തടസ്സം...
29 March 2024 11:04 AM GMT'തനിക്ക് ചെയ്യാൻ കഴിയുന്നതെല്ലാം ചെയ്യും'; സിദ്ധാര്ത്ഥന്റെ...
29 March 2024 11:02 AM GMTപട്ടാഴിമുക്ക് അപകടത്തില് നിര്ണായക വിവരവുമായി ദൃക്സാക്ഷി
29 March 2024 10:58 AM GMTഒഡീഷയില് പള്ളിക്ക് ബോംബെറിഞ്ഞ കേസില് ഐടിഐ വിദ്യാര്ഥി അറസ്റ്റില്
29 March 2024 9:24 AM GMT