സിപിഎം കരടു റിപോര്ട്ടില് വര്ഗ ബഹുജന സംഘടനകള്ക്ക് രൂക്ഷവിമര്ശനം
BY kasim kzm10 Feb 2018 3:28 AM GMT
kasim kzm10 Feb 2018 3:28 AM GMT
തിരുവനന്തപുരം: സിപിഎം സംസ്ഥാന സമ്മേളനത്തില് അവതരിപ്പിക്കാന് തയ്യാറാക്കിയ കരടു റിപോര്ട്ടില് വര്ഗ ബഹുജന സംഘടനകള്ക്കെതിരേ രൂക്ഷവിമര്ശനം. ജനാധിപത്യ മഹിളാ അസോസിയേഷന്, എസ്എഫ്ഐ, ഡിവൈഎഫ്ഐ സംഘടനകള്ക്കെതിരേയാണു വിമര്ശനമുള്ളത്. സ്വതന്ത്ര ചിന്താഗതിക്കാരായ യുവജനങ്ങളെ ആകര്ഷിക്കുന്നതില് ഡിവൈഎഫ്ഐ പരാജയപ്പെട്ടതായും എസ്എഫ്ഐ കാംപസുകളിലെ ആള്ക്കൂട്ടം മാത്രമായി മാറിയെന്നും റിപോര്ട്ട് വിമര്ശിക്കുന്നു. പാര്ട്ടി കുടുംബങ്ങളില് നിന്നുള്ളവരാണു നിലവില് ജനാധിപത്യ മഹിളാ അസോസിയേഷനിലെ ബഹുഭൂരിപക്ഷം അംഗങ്ങളും. പുറത്തുള്ളവരെ സംഘടനയിലേക്ക് എത്തിക്കുന്നതിന് മഹിളാ അസോസിയേഷന് കഴിയുന്നില്ല. എസ്എഫ്ഐ ഏറ്റെടുക്കുന്ന സമരങ്ങള് പലതും സങ്കുചിതമാവുന്നു. സോഷ്യല് മീഡിയയില് മാത്രം സംഘടനാ പ്രവര്ത്തനം നടത്തുകയാണു പലരുമെന്നും റിപോര്ട്ട് കുറ്റപ്പെടുത്തുന്നു. വിഭാഗീയത പാര്ട്ടി നേതൃതലങ്ങളില് ഇല്ലെന്നു സെക്രട്ടേറിയറ്റ് വിലയിരുത്തി. ജില്ലാ സമ്മേളനങ്ങളിലെ പൊതുചര്ച്ചയില് പങ്കെടുത്ത പ്രതിനിധികളില് നിന്നും നേതൃത്വത്തിന് അതുമനസ്സിലായിട്ടുണ്ടെന്നും റിപോര്ട്ട് പറയുന്നു. കരട് റിപോര്ട്ടിന് സംസ്ഥാന സെക്രട്ടേറിയറ്റ് അംഗീകാരം നല്കി. 13, 14 തിയ്യതികളില് നടക്കുന്ന സംസ്ഥാന സമിതിയില് റിപോര്ട്ട് അംഗീകാരത്തിനായി സമര്പ്പിക്കും.
Next Story
RELATED STORIES
കിറ്റിനു പിന്നാലെ വസ്ത്രശേഖരവും; ബിജെപി വിതരണത്തിനെത്തിച്ചതെന്ന്...
25 April 2024 5:48 PM GMTഅഞ്ചുവര്ഷത്തിനിടെ ബെംഗളൂരു സൗത്തിലെ ബിജെപി എംപിയുടെ സ്വത്ത്...
25 April 2024 5:41 PM GMTരാഹുല് ഗാന്ധിക്കെതിരായ അധിക്ഷേപ പരാമര്ശം; പി വി അന്വര്...
25 April 2024 5:17 PM GMTമുഴുസമയ വെബ് കാസ്റ്റിങ്, കള്ളവോട്ട് തടയാന് കണ്ണൂരില് കനത്ത സുരക്ഷ
25 April 2024 5:11 PM GMTഒമാനില് വാഹനാപകടം: രണ്ട് മലയാളികള് ഉള്പ്പെടെ മൂന്ന് നഴ്സുമാര്...
25 April 2024 4:42 PM GMTപരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMT