സിപിഎം അക്രമം എസ്ഡിപിഐ പ്രവര്‍ത്തകന് പരിക്ക്‌

പൊന്നാനി: പുതുപൊന്നാനിയില്‍ എസ്ഡിപിഐ പ്രവര്‍ത്തകനുനേരെ സിപിഎം ആക്രമം.  ചെങ്കോട്ട നഗറില്‍ താമസിക്കുന്ന മുബശ്ശിറിനാണ് മര്‍ദ്ദനമേറ്റത്. പ്രദേശത്ത് എസ്ഡിപിഐയിലേക്ക് പുതുതായി പ്രവര്‍ത്തകര്‍ കടന്നുവന്നിരുന്നു. ഇതില്‍ പ്രകോപിതരായവര്‍ പാര്‍ട്ടിയുടെ കൊടികളും ഫഌക്‌സ് ബോര്‍ഡുകളും നശിപ്പിക്കുകയും നിരന്തരമായി പ്രവര്‍ത്തകര്‍ക്കു നേരെ ഭീഷണിയുയര്‍ത്തുകയും ചെയ്തിരുന്നു. എസ്ഡിപിഐ ബ്രാഞ്ച് നേതൃത്വം പലപ്രാവശ്യം പൊലിസിന് പരാതി നല്കിയിരുന്നെങ്കിലും കാര്യമായ നടപടികളൊന്നും ഉണ്ടായില്ല. അതാണ് സിപിഎം പ്രവര്‍ത്തകര്‍ അക്രമം നടത്തുന്നതിനു കാരണമെന്ന് എസ്ഡിപിഐ ആരോപിച്ചു. പ്രവര്‍ത്തകനെ മര്‍ദ്ദിച്ചതില്‍ പ്രതിഷേധിച്ച് വൈകീട്ട് പുതുപൊന്നാനിയില്‍ എസ്ഡിപിഐ പ്രകടനം നടത്തി.