സിംബാബ്വെയ്ക്കെതിരായ പരമ്പര തൂത്തുവാരിപാകിസ്താന്
BY vishnu vis22 July 2018 5:14 PM GMT
X
vishnu vis22 July 2018 5:14 PM GMT
ബുലാവായോ: സിംബാബ്വെയ്ക്കെതിരായ ഏകദിന പരമ്പര തൂത്തുവാരി പാകിസ്താന്. അഞ്ചാം ഏകദിനത്തില് സിംബാബ്വെയെ 131 റണ്സിന് തകര്ത്ത പാകിസ്താന് അഞ്ച് മല്സര പരമ്പര 5-0ന് സ്വന്തമാക്കുകയായിരുന്നു. ആദ്യം ബാറ്റ് ചെയ്ത പാകിസ്താന് 50 ഓവറില് നാല് വിക്കറ്റ് നഷ്ടത്തില് 364 റണ്സ് അടിച്ചെടുത്തപ്പോള് മറുപടിക്കിറങ്ങിയ സിംബാബ്വെയ്ക്ക് 50 ഓവറില് നാല് വിക്കറ്റ് നഷ്ടത്തില് 233 റണ്സെടുക്കാനെ കഴിഞ്ഞുള്ളു. വെടിക്കെട്ട് സെഞ്ച്വറി നേടിയ ബാബര് അസമിന്റെയും (106) ഇമാമുല് ഹഖിന്റെയും (110) പ്രകടനമാണ് പാകിസ്താന് വമ്പന് ജയം സമ്മാനിച്ചത്.ടോസ് നേടി ബാറ്റിങ് തിരഞ്ഞെടുത്ത പാകിസ്താന് വേണ്ടി ഓപണര്മാര് തകര്പ്പന് കൂട്ടുകെട്ടാണ് പടുത്തുയര്ത്തിയത്. കഴിഞ്ഞ മല്സരത്തില് ഇരട്ട സെഞ്ച്വറി നേടിയ ഫഖര് സമാന് (85) ഇത്തവണ അര്ധ സെഞ്ച്വറി നേടിയതോടെ ഇമാമുല് ഹഖിനൊപ്പം ഒന്നാം വിക്കറ്റില് 168 റണ്സാണ് പടുത്തുയര്ത്തിയത്. പിന്നീട് ഫഖര് മടങ്ങിയെങ്കിലും മൂന്നാമനായി ക്രീസിലെത്തിയ ബാബര് അസം സെഞ്ച്വറി നേടിയതോടെ പാക് സ്കോര്ബോര്ഡ് മികച്ച നിലയിലേക്കെത്തുകയായിരുന്നു. മറുപടിക്കിറങ്ങിയ സിംബാബ്വെ നിരയില് റ്യാന് മുറെയാണ് (47) ടോപ് സ്കോറര്. പീറ്റര് മൂറും (44*) ഭേദപ്പെട്ട പ്രകടനം പുറത്തെടുത്തു. പരമ്പരയിലുടനീളം മികച്ച പ്രകടനം പുറത്തെടുത്ത ഫഖര് സമാന് പരമ്പരയിലെ താരമായപ്പോള് ബാബര് അസമാണ് കളിയിലെ താരം.
Next Story
RELATED STORIES
കട്ടപ്പനയിൽ കാട്ടുപന്നി കിണറ്റിൽ വീണു; വനം വകുപ്പ് ഉദ്യോഗസ്ഥരെത്തി...
20 April 2024 10:41 AM GMTത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMT