സമഗ്ര കായിക വികസന പദ്ധതിയുമായി ഏഴംകുളം ഗ്രാമപ്പഞ്ചായത്ത്
BY fousiya sidheek13 Jun 2017 6:56 AM GMT
fousiya sidheek13 Jun 2017 6:56 AM GMT
ഏഴംകുളം: ഏഴംകുളം ഗ്രാമപ്പഞ്ചായത്തിലെ താമസക്കാരായ കുട്ടികള്ക്കും യുവജനങ്ങള്ക്കും വേണ്ടി ജനകീയാസൂത്രണപദ്ധതിയി ഉള്പ്പെടുത്തി നടപ്പാക്കുന്ന സമഗ്ര കായികവികസന പദ്ധതിയാണ് ഓടാം, ചാടാം, ഒളിംപിക്സിലേക്ക്. പഞ്ചായത്തിലെ സര്ക്കാര്, അര്ധസര്ക്കാര് എല്പി, യുപി സ്കൂളുകളില് പഠിക്കുന്ന കുട്ടികളെ അഞ്ചു മുതല് 12 വയസ്സ് വരെയുള്ള കുട്ടികളെ സ്കൂള് വിഭാഗത്തില് പരിഗണന നല്കുന്നത്. 13 വയസ്സ് മുതല് 30 വയസ് വരെയുള്ളവര്ക്ക് പ്രത്യേക സെലക്ഷന് നടത്താനാണ് ആലോചിക്കുന്നത്. 300 കുട്ടികള്ക്കും 50 യുവജനങ്ങള്ക്കും 100 ദിവസം നീണ്ട് നില്ക്കുന്ന പരിശീലനമാണ് പദ്ധതിയുടെ ഭാഗമായി നല്കുന്നത്. ഇതിലേക്കായി ജനകീയാസൂത്രണ പദ്ധതിയില് ഉള്പ്പെടുത്തി 12.25 ലക്ഷം രൂപ നീക്കിവച്ചിട്ടുണ്ട്. വിദ്യാഭ്യാസ വകുപ്പ്, ശിശുക്ഷേമസമിതി, ജില്ലാ സ്പോട്സ് കൗണ്സില്, യുവജനക്ഷേമബോര്ഡ,് ആരോഗ്യവകുപ്പ്, സാമൂഹികനീതി വകുപ്പ് എന്നീ സര്ക്കാര്വകുപ്പുകളെ കൂടി പദ്ധതിയില് സഹകരിച്ചുകൊണ്ടാണ് കായികവികസന പദ്ധതി നടപ്പാക്കാന് പഞ്ചായത്ത് ആലോചിക്കുന്നത്. സ്പോര്ട്സ്, അത്ലറ്റിക്സ് മല്സരങ്ങളില് മികച്ച പ്രകടനം കാഴ്ചവയ്ക്കുന്നതിന് കുട്ടികളെയും യുവജനങ്ങളെയും പ്രാപ്തരാക്കിയ ശേഷം സംസ്ഥാന, അഖിലേന്ത്യാ മല്സരങ്ങള്ക്കൊപ്പം ഒളിംപിക്സ് മല്സരങ്ങളിലും ഇവരെ പങ്കാളികളാക്കുക എന്നതാണ് പഞ്ചായത്ത് ഭരണസമിതി ലക്ഷ്യം വയ്ക്കുന്നത്. ഇതൊടൊപ്പം ആരോഗ്യവകുപ്പിന്റെ സഹകരണത്തോടെ ജീവിതശൈലി രോഗങ്ങളില് നിന്ന് പുതുതലമുറയെ മുക്തരാക്കുന്നതിനുള്ള ശീലങ്ങള്കൂടി പഠിക്കാനും ലക്ഷ്യം വയ്ക്കുന്നു.പദ്ധതിയുടെ നടത്തിപ്പിന് മുന്നോടിയായി ആലോചനായോഗം ചേരും. ഗ്രാമപ്പഞ്ചായത്തംഗങ്ങള്, എല്പി, യുപി സ്കൂളിലെ പ്രധാനാധ്യാപകര്, ആസൂത്രണസമതി അംഗങ്ങള്, വിദ്യാഭ്യാസ വകുപ്പ്, ആരോഗ്യ വകുപ്പ് ജീവനക്കാര്, ജില്ലാ ശിശുസംരക്ഷണ സമതി, ജില്ലാ സ്പോര്ട്സ് കൗണ്സില്, യുവജനക്ഷേമബോര്ഡ്, സാമൂഹികനീതി വകുപ്പ്, കുടുംബശ്രീ സിഡിഎസ് ഭാരവാഹികള് എന്നിവരുടെ യോഗം 17ന്് ഉച്ചയ്ക്ക് രണ്ടിന് ഏഴംകുളം എംസണ് ഓഡിറ്റോറിയത്തില് ചേരുമെന്ന് പ്രസിഡന്റ് വിജു രാധാകൃഷ്ണന് അറിയിച്ചു.
Next Story
RELATED STORIES
തെലങ്കാനയില് ക്രിസ്ത്യന് സ്കൂള് ആക്രമിച്ച സംഭവം: 12 ഹിന്ദുത്വരെ...
20 April 2024 9:28 AM GMTമറുപടി പറഞ്ഞാല് തെളിവുകള് പുറത്തുവിടും; ലീഗ് നേതാക്കളെ...
20 April 2024 9:16 AM GMT'പ്രസാര് ഭാരതിയല്ല, പ്രചാര് ഭാരതി'; ദൂരദര്ശന് ലോഗോയുടെ...
20 April 2024 9:01 AM GMTഎഐസിസി സെക്രട്ടറി തജീന്ദര് സിങ് ബിട്ടു കോണ്ഗ്രസ് വിട്ട് ബിജെപിയില്...
20 April 2024 8:40 AM GMTശക്തമായി തിരിച്ചടിക്കും; ഇസ്രായേലിന് വീണ്ടും ഇറാന്റെ മുന്നറിയിപ്പ്
20 April 2024 8:22 AM GMTപകരം വീട്ടാനാണ് ഇസ്രായേലിന്റെ നീക്കമെങ്കില് ശക്തമായി...
20 April 2024 7:59 AM GMT