ശിശുമരണ നിരക്ക് പരമാവധി കുറയ്ക്കുക ലക്ഷ്യം: ആരോഗ്യമന്ത്രി
BY kasim kzm10 Dec 2017 2:07 AM GMT
kasim kzm10 Dec 2017 2:07 AM GMT
തിരുവനന്തപുരം: കേരളത്തിലെ ശിശുമരണ നിരക്ക് പരമാവധി കുറയ്ക്കുകയാണ് ലക്ഷ്യമെന്ന് ആരോഗ്യമന്ത്രി കെ കെ ശൈലജ. ശിശുമരണ നിരക്ക് 12ല് നിന്ന് 8 ശതമാനമാക്കാന് സംസ്ഥാനത്തിന് കഴിഞ്ഞിട്ടുണ്ടെങ്കിലും ഇനിയും കുറച്ചു കൊണ്ടുവരാനാണ് ശ്രമിക്കുന്നതെന്നും മന്ത്രി വ്യക്തമാക്കി.കുട്ടികളെ ബാധിക്കുന്ന വിവിധ ജനിതക രോഗങ്ങളെക്കുറിച്ചുള്ള ദേശീയ സമ്മേളനം മാസ്കോട്ട് ഹോട്ടലില് ഉദ്ഘാടനം നിര്വഹിക്കുകയായിരുന്നു മന്ത്രി. ശിശുക്കളിലെ ഇപ്പോഴത്തെ രോഗാതുരതയുടെയും അനുബന്ധ മരണങ്ങളുടെയും പ്രധാന കാരണം ജന്മനായുള്ള വൈകല്യങ്ങളും ജനിതക തകരാറുകളുമാണ്. മുന്കാലത്തെ അപേക്ഷിച്ച് ജനിതക വൈകല്യങ്ങള് കണ്ടെത്തുന്നതും ചികില്സിക്കുന്നതും ഇന്നു കൂടുതല് പ്രാധാന്യമര്ഹിക്കുന്നു. അട്ടപ്പാടി മേഖലയിലെ ശിശുമരണ നിരക്കിന് പ്രധാന കാരണം പ്രായപൂര്ത്തിയാവാത്ത അമ്മമാരുടെ വിവാഹങ്ങളും ജനിതക വൈകല്യങ്ങളുമാണ്. ഇക്കാര്യങ്ങള് ശാസ്ത്രീയമായി തെളിയിക്കാന് ഇതുപോലെയുള്ള സെമിനാറുകള് സഹായിക്കുമെന്നും മന്ത്രി പറഞ്ഞു. ജെനിറ്റിക് അപ്ഡേറ്റ്സ് ഫോര് നെക്സ്റ്റ് ജനറേഷന് ക്ലിനിഷ്യന്സ് എന്ന പുസ്തകത്തിന്റെ പ്രകാശനം മന്ത്രി മെഡിക്കല് കോളജ് പ്രിന്സിപ്പല് ഡോ. തോമസ് മാത്യുവിന് നല്കി പ്രകാശനം ചെയ്തു.ആരോഗ്യ സര്വകലാശാലാ വൈസ് ചാന്സലര് ഡോ. എം കെ സി നായര് മുഖ്യപ്രഭാഷണം നടത്തി. ഐഎഎംജി ദേശീയ പ്രസിഡന്റ് ഡോ. ശുഭ ഫാഡ്കേ, എസ്എടി ആശുപത്രി സൂപ്രണ്ട് ഡോ. എ സന്തോഷ് കുമാര്, സിഡിസി ഡയറക്ടര് ഡോ. ബാബു ജോര്ജ്, ഐഎപി കേരള പ്രസിഡന്റ് ഡോ. എം എന് വെങ്കിടേശ്വരന്, ഐഎപി കേരള 2018 പ്രസിഡന്റ് ഡോ. പി എ മുഹമ്മദ് കുഞ്ഞ്, ഐഎപി ജനിറ്റിക് ചാപ്റ്റര് സെക്രട്ടറി ഡോ. പ്രകാശ് ഗംഭീര്, ഐഎപി സെക്രട്ടറി ഡോ. ഐ റിയാസ്, ഓര്ഗനൈസിങ് സെക്രട്ടറി ഡോ. വി എച്ച് ശങ്കര് പങ്കെടുത്തു.
Next Story
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT