ശശാങ്ക് മനോഹര്‍ ബി.സി.സി.ഐ പ്രസിഡന്റ്

മുംബൈ: ശശാങ്ക് മനോഹറിനെ ബി.സി.സി.ഐ ( ബോര്‍ഡ് ഓഫ് കണ്‍ട്രോള്‍ ഫോര്‍ ക്രിക്കറ്റ് ഇന്‍ ഇന്ത്യ)പ്രസിഡന്റായി ഏകകണ്‌ഠേന തിരഞ്ഞെടുത്തു.  ഇന്നു മുംബൈയില്‍ ചേര്‍ന്ന് യോഗത്തിലാണ് തിരഞ്ഞെടുപ്പ് നടന്നത്.
2008-09,  2010-11 കാലഘട്ടത്തില്‍ ശശാങ്ക് ബി.സി.സി.ഐയുടെ പ്രസിഡന്റ് സ്ഥാനം അലങ്കരിച്ചിരുന്നു. മുന്‍ പ്രസിഡന്റ് ജഗ്‌മോഹന്‍ ഡാല്‍മിയയുടെ നിര്യാണത്തെ തുടര്‍ന്നാണ് പുതിയ പ്രസിഡന്റിനെ തിരഞ്ഞെടുത്തത്. ശശാങ്ക് മനോഹറിന്  കാര്യമായി എതിര്‍സ്ഥാനാര്‍ത്ഥികള്‍ ഉണ്ടായിരുന്നില്ല. നാലു സോണുകളുടെയും വോട്ടുകള്‍ ശശാങ്കിന് അനുകൂലമാവുകയായിരുന്നു.