വെടിവയ്പ്: യുഎസില്‍ ഇന്ത്യന്‍ വംശജന്‍ കൊല്ലപ്പെട്ടു

വാഷിങ്ടണ്‍: യുഎസിലെ ന്യൂജഴ്‌സിയില്‍ ഒപ്പം താമസിക്കുന്നയാളുടെ വെടിയേറ്റ് ചികില്‍സയിലായിരുന്ന ഇന്ത്യന്‍ വംശജനായ വിദ്യാര്‍ഥി മരിച്ചു. ഷാനി പട്ടേല്‍(21) ആണ് മരിച്ചത്. റൂട്ട്‌ഗേര്‍സ് സര്‍വകലാശാലയിലെ സാമ്പത്തിക ശാസ്ത്ര വിദ്യാര്‍ഥിയായിരുന്നു. ഞായറാഴ്ചയാണ് ഷാനിക്ക് വെടിയേറ്റത്. അക്രമിയുടെ വിവരം അധികൃതര്‍ പുറത്തുവിട്ടിട്ടില്ല. അന്വേഷണം നടന്നുവരുകയാണ്.