വീടുകയറി ആക്രമണം; യുവാവിനെ രണ്ട് വര്‍ഷം കഠിന തടവിനു ശിക്ഷിച്ചു

വൈപ്പിന്‍: വീട്ടമ്മയേയും അവരുടെ വൃദ്ധമാതാവിനെയും അര്‍ധരാത്രിയില്‍ വീടുകയറി ആക്രമിച്ചു പരിക്കേല്‍പിക്കുകയും അതിക്രമത്തിനു മുതിരുകയും ചെയ്ത കേസില്‍ കുറ്റക്കാരനായ യുവാവിനെ പറവൂര്‍ ജുഡീഷ്യല്‍ ഫസ്റ്റ്കഌസ് മജിസ്‌ട്രേറ്റ് കോടതി രണ്ടു വര്‍ഷത്തെ കഠിന തടവിനു ശിക്ഷിച്ചു. ചെറായി തൈത്തറ നികത്തില്‍ കുട്ടാപ്പി എന്നു വിളിക്കുന്ന സുബീഷി(33) നെയാണ് കോടതി ശിക്ഷിച്ചത്.
വീടുകയറി ആക്രമണം, സ്ത്രീകള്‍ക്ക് നേരെയുള്ള അതിക്രമം എന്നീ വകുപ്പുകള്‍ ചേര്‍ത്ത് മുനമ്പം പോലിസ് രജിസ്റ്റര്‍ ചെയ്ത കേസിലാണ് ശിക്ഷ. 2007 ഒക്‌ടോബര്‍ അഞ്ചിനു രാത്രിയില്‍ ചെറായി മനയത്തുകാടുള്ള പരാതിക്കാരിയായ സ്ത്രീയുടെ വീട്ടില്‍ അതിക്രമിച്ചു കയറി കൈയിലുണ്ടായിരുന്ന വടി ഉപയോഗിച്ച് തോളില്‍ അടിച്ചു പരിക്കേല്‍പ്പിച്ചു. പിടിച്ചു മാറ്റാന്‍ ചെന്ന വൃദ്ധയായ മാതാവിനെയും ആക്രമിച്ചതായുമാണ്പരാതി.