വിവാഹത്തലേന്ന് പിതാവ് മകളെ കുത്തികൊന്നു

മലപ്പുറം: മലപ്പുറത്ത് വിവാഹ തലേന്ന് പിതാവ് മകളെ കുത്തി കൊലപ്പെടുത്തി.  മലപ്പുറം അരീക്കോട് വൈകിട്ട് അഞ്ച് മണിയോടെയാണ് സംഭവം. പത്തനാപുരം പൂവത്തിക്കണ്ടി സ്വദേശിനിയായ ആതിര രാജന്‍(21)ആണ് കൊല്ലപ്പെട്ടത്. സംഭവത്തില്‍ പിതാവ് രാജനെ പോലീസ് കസ്റ്റഡിയിലെടുത്തു.



ആതിര ഒരു യുവാവുമായി പ്രണയത്തിലായിരുന്നു. ഈ യുവാവുമായി ആതിരയുടെ വിവാഹം തീരുമാനിക്കുകയും ചെയ്തു. എന്നാല്‍ പിതാവിന്റെ പൂര്‍ണ സമ്മതത്തോടെയായിരുന്നില്ല വിവാഹം തീരുമാനിച്ചത്. ഇതേചൊല്ലി പിതാവും മകളും തമ്മില്‍ വാക്കുതര്‍ക്കമുണ്ടായി. തര്‍ക്കത്തിനൊടുവില്‍ പിതാവ് കത്തിയെടുത്ത് മകളെ കുത്തുകയായിരുന്നു. പെണ്‍കുട്ടി സംഭവസ്ഥലത്തുതന്നെ മരിച്ചു. മൃതദേഹം മുക്കം കെഎംസിടി ആശുപത്രിയില്‍ സൂക്ഷിച്ചിരിക്കുകയാണ്.