വിഴിഞ്ഞത്ത് തീരവാസികള്‍ മുഖ്യമന്ത്രിയെ തടഞ്ഞു, പൂന്തുറ സന്ദര്‍ശനം റദ്ദാക്കി

വിഴിഞ്ഞം : ഓഖി കൊടുങ്കാറ്റിനെത്തുടര്‍ന്ന് വിഴിഞ്ഞം തീരപ്രദേശത്ത് സന്ദര്‍ശനം നടത്താനെത്തിയ മുഖ്യമന്ത്രി പിണറായി വിജയനെ തീരവാസികള്‍ തടഞ്ഞു. മൂന്നുമിനിട്ടോളം ജനങ്ങള്‍ വാഹനം തടഞ്ഞു വെക്കുകയും വാഹനത്തിന് പുറത്ത് ഇടിച്ച്  പ്രതിഷേധം പ്രകടിപ്പിക്കുകയും ചെയ്തു.
ഇതേത്തുടര്‍ന്ന് പോലിസ് ഇടപെട്ട് സുരക്ഷാ വലയം തീര്‍ത്ത് മുഖ്യമന്ത്രിയെയും വാഹനത്തെയും മോചിപ്പിച്ച് കൊണ്ടുപോവുകയായിരുന്നു.സംഘര്‍ഷ സാധ്യതയെത്തുടര്‍ന്ന് മുഖ്യമന്ത്രിയുടെ പൂന്തുറ സന്ദര്‍ശനം റദ്ദാക്കി.