വിനോദ സഞ്ചാരികള്‍ വര്‍ധിച്ചു

ആലപ്പുഴ: വിനോദസഞ്ചാര സീസണിലെ ഏറ്റവും തിരക്കേറിയ ദിവസങ്ങള്‍ കടന്നുപോവുന്നതോടെ ആലപ്പുഴയിലേക്ക് വിനോദ സഞ്ചാരികളുടെ ഒഴുക്ക്. കായല്‍ കാഴ്ചകളും ബോട്ട് സവാരിയും ആഘോഷപൂര്‍ണമാക്കാന്‍ നൂറുകണക്കിന് ആഭ്യന്തര- വിദേശ സഞ്ചാരികളാണ് ദിവസങ്ങളായി ആലപ്പുഴയിലെത്തിയത്.
സംഘം ചേര്‍ന്നെത്തുന്ന വിനോദ സഞ്ചാരികളുടെ എണ്ണം ക്രമാതീതമായി വര്‍ധിച്ചു. ഏറ്റവും സുരക്ഷിതമായ വിനോദസഞ്ചാര കേന്ദ്രങ്ങളിലൊന്നായി ആലപ്പുഴ ഇതിനകം ശ്രദ്ധപിടിച്ചുപറ്റിയിട്ടുണ്ട്. നവവല്‍സരാഘോഷങ്ങള്‍ക്കായി ആലപ്പുഴ തിരഞ്ഞെടുക്കാനും ഇത് കാരണമായിത്തീര്‍ന്നു. പല പ്രധാന വിനോദ സഞ്ചാര കേന്ദ്രങ്ങളും ആക്രമണങ്ങളുടെ നിഴലിലാണെന്നതും ആലപ്പുഴയ്ക്ക് നേട്ടമായി.
അമേരിക്ക, ഫ്രാന്‍സ്, ഓസ്‌ട്രേലിയ എന്നീ രാജ്യങ്ങളില്‍നിന്നാണ് കൂടുതല്‍ സഞ്ചാരികളും വരുന്നതെന്ന് ടൂറിസം രംഗത്തുള്ളവര്‍ പറയുന്നു. ടൂറിസ്റ്റുകളുടെ എണ്ണം വര്‍ധിച്ചതിനനുസരിച്ച് ഹൗസ് ബോട്ട് മേഖലയില്‍ നിരക്ക് വര്‍ധനവും യാഥാര്‍ഥ്യമായി. കഴിഞ്ഞ പ്രാവിശ്യം 25,000 മുതല്‍ 30,000 രൂപ വരെ നിരക്ക് ഈടാക്കിയിരുന്നിടത്ത് ഇക്കുറി നിരക്ക് വീണ്ടും വര്‍ധിച്ചു.