വിദ്യാര്‍ഥി സഹപാഠിയുടെ കുത്തേറ്റ് മരിച്ചു

ഡാര്‍ജിലിങ്: സ്‌കൂള്‍ വിദ്യാര്‍ഥി സഹപാഠിയുടെ കുത്തേറ്റു മരിച്ചു. ഹിമാലയന്‍ മൗണ്ടന്‍ ഇന്‍സ്റ്റിറ്റിയൂട്ട് സിംഗ്ലയില്‍ സംഘടിപ്പിച്ച ക്യാംപിലാണ് സംഭവം. സെന്റ് ജോസഫ്‌സ് സ്‌കൂളിലെ ഒമ്പതാം ക്ലാസ് വിദ്യാര്‍ഥിയാണ് വാക്തര്‍ക്കത്തെ തുടര്‍ന്ന് കൊല്ലപ്പെട്ടത്. സിലിഗുഡിയിലെ ആശുപത്രിയിലേക്കു കൊണ്ടുപോകവെയാണ് അന്ത്യം. പ്രതിയായ പതിനഞ്ചുകാരനെ ദുര്‍ഗുണപരിഹാര പാഠശാലയിലേക്കയച്ചു.