വിദ്യാഭ്യാസമന്ത്രിക്ക് നിവേദനം നല്‍കി

കണ്ണൂര്‍: ജില്ലയിലെ ആര്‍എംഎസ്എ സ്‌കൂളുകളുടെ ശോച്യാവസ്ഥ പരിഹരിക്കണമെന്ന് ആവശ്യപ്പെട്ട് ജില്ലാ പഞ്ചായത്ത് വൈസ് പ്രസിഡന്റ് പി പി ദിവ്യ വിദ്യാഭ്യാസ മന്ത്രി പി കെ അബ്ദുറബ്ബിന് നിവേദനം നല്‍കി.
ആര്‍എംഎസ്എ വിഭാഗത്തില്‍ അപ്‌ഗ്രേഡ് ചെയ്ത ജില്ലയിലെ 8 ഹൈസ്‌കൂളുകള്‍ പരിതാപകരമായ സ്ഥിതിയിലാണ്. ഈ സ്‌കൂളുകള്‍ പൊതുവിദ്യാഭ്യാസത്തിന്റെ കീഴിലാക്കി ഉത്തരവ് ഇനിയും പുറപ്പെടുവിച്ചിട്ടില്ല.
കോഡില്ലാത്തത് കാരണം വിദ്യാഭ്യാസ ഐടി പ്രവര്‍ത്തനം, പാഠപുസ്തക വിതരണം, സ്‌കോളര്‍ഷിപ്പ് പോര്‍ട്ടലുകള്‍ എന്നിവയിലും ഈ സ്‌കൂളുകള്‍ അവഗണിക്കപ്പെടുകയാണ്. സ്റ്റാഫ് ഫിക്‌സേഷന്‍ നടത്താത്തത് കാരണം ആവശ്യമായ അധ്യാപകരെയും ലഭിച്ചിട്ടില്ല.
താല്‍ക്കാലിക സംവിധാനത്തില്‍ എത്തുന്ന അധ്യാപകര്‍ക്ക് മൂന്നുവിഷയങ്ങള്‍ പഠിപ്പിക്കേണ്ട അവസ്ഥയാണെന്നും നിവേദനത്തില്‍ ചൂണ്ടിക്കാട്ടി.