വാഹനാപകടത്തില്‍ പരിക്കേറ്റ വിദ്യാര്‍ഥി മരിച്ചു

പുത്തനത്താണി: വാഹനാപകടത്തില്‍ ഗുരുതര പരിക്കേറ്റ് ചികില്‍സയിലായിരുന്ന വിദ്യാര്‍ഥി മരിച്ചു. ആതവനാട് പാറപ്പുറം സര്‍വീസ് സഹകരണ ബാങ്കിനു സമീപം എളയോടത്ത് സക്കീറിന്റെ മകന്‍ ഷാഹിദ് (22) ആണ് മരിച്ചത്. പുറമണ്ണൂര്‍ മജ്‌ലിസ് കോളജിലെ അവസാന വര്‍ഷ ബിബിഎ വിദ്യാര്‍ഥിയായിരുന്നു ഷാഹിദ്.

ഞായറാഴ്ച വൈകീട്ട് അമ്പലപറമ്പിലാണ് അപകടമുണ്ടായത്. വീട്ടിലേക്ക് വരികയായിരുന്ന ഷാഹിദിന്റെ ബൈക്കില്‍ കാര്‍ ഇടിക്കുകയായിരുന്നു. തലയ്ക്ക് ഗുരുതരമായ പരിക്കേറ്റ് പെരിന്തല്‍മണ്ണയിലെ സ്വകാര്യ ആശുപത്രിയില്‍ ചികില്‍സയിലായിരിക്കെ തിങ്കളാഴ്ച രാത്രി 11 മണിയോടെ മരിക്കുകയായിരുന്നു. ബൈക്ക് ഓടിച്ചിരുന്ന സുഹൃത്ത് ജസീല്‍ പരിക്കേല്‍ക്കാതെ രക്ഷപ്പെട്ടു. വളാഞ്ചേരി പോലിസ് ഇന്‍ക്വസ്റ്റ് നടത്തിയ മൃതദേഹം പെരിന്തല്‍മണ്ണ താലൂക്ക് ആശുപത്രിയില്‍ പോസ്റ്റ് മോര്‍ട്ടത്തിനു ശേഷം ആതവനാട് പഴയ ജുമാമസ്ജിദില്‍ ഖബറിസ്ഥാനില്‍ മറവ് ചെയ്തു. മാതാവ്: സുലൈഖ. സഹോദരങ്ങള്‍: ഷംന, ഷിബിലി.