വധഭീഷണി : ഷബീര് ഷാ കോടതിയില്
BY fousiya sidheek7 Oct 2017 3:19 AM GMT
fousiya sidheek7 Oct 2017 3:19 AM GMT
ന്യൂഡല്ഹി: തിഹാര് ജയിലില് കഴിയുന്ന കശ്മീര് പ്രക്ഷോഭ നേതാവ് ഷബീര് ഷാ തന്റെ ജീവന് ഭീഷണിയുണ്ടെന്നും കൂടുതല് സുരക്ഷയുള്ള വാര്ഡിലേക്ക് മാറ്റണമെന്നും ആവശ്യപ്പെട്ട് ഡല്ഹി കോടതിയില് ഹരജി നല്കി. ജയില് അധികൃതര് തനിക്ക് കൃത്യമായി മരുന്നുകള് നല്കുന്നില്ലെന്നും അദ്ദേഹം അഡീഷനല് സെഷന്സ് ജഡ്ജി സിദ്ധാര്ഥ് ശര്മയ്ക്ക് നല്കിയ പരാതിയില് ആരോപിച്ചു. ഈ മാസം 13ന് അപേക്ഷയില് മറുപടി നല്കാന് ജയില് അധികൃതരോട് കോടതി ആവശ്യപ്പെട്ടിട്ടുണ്ട്.ജീവന് ഭീഷണിയുണ്ടെന്നും ജുഡീഷ്യല് ലോക്കപ്പിലും ജയിലിലും ചില സംഭവങ്ങള് അനുഭവപ്പെട്ടെന്നും അഡ്വ. എം എസ് ഖാന് മുഖാന്തരം നല്കിയ ഹരജിയില് പറയുന്നു. വീഡിയോ കോണ്ഫറന്സ് വഴി ഹാജരാവാനായി ഷാ നല്കിയ അപേക്ഷ നേരത്തെ കോടതി അംഗീകരിച്ചിരുന്നു. കഴിഞ്ഞ മാസമാണ് ഷബീര് ഷായെ എന്ഫോഴ്സ്മെന്റ് ഡയറക്ടറേറ്റ് അറസ്റ്റ് ചെയ്തത്. കശ്മീരില് അക്രമ പ്രവര്ത്തനം നടത്താനായി ഫണ്ട് സ്വീകരിച്ചുവെന്നാരോപിച്ച് ഹുര്രിയത്ത് കോണ്ഫറന്സ് നേതാക്കളെ എന്ഐഎ കസ്റ്റഡിയിലെടുത്തതിന് തൊട്ടുപിന്നാലേയാണ് അറസ്റ്റ്.
Next Story
RELATED STORIES
സിഎഎ യോഗ്യതാ സർട്ടിഫിക്കറ്റ് മതപുരോഹിതർക്ക് നൽകാനാകുമെന്ന് കേന്ദ്ര...
28 March 2024 7:02 AM GMTസിദ്ധാർഥന്റെ മരണം: ജുഡീഷ്യൽ അന്വേഷണത്തിനുള്ള ഗവർണറുടെ തീരുമാനം...
28 March 2024 6:35 AM GMTപയ്യോളിയില് രണ്ട് പെണ്മക്കള് വീടിനുള്ളിലും പിതാവ് ട്രെയിനിടിച്ചും...
28 March 2024 6:35 AM GMTനെല്ലിയാമ്പതിയിൽ ജനവാസ മേഖലയില് പുലി ഇറങ്ങി
28 March 2024 6:34 AM GMTവീണ്ടും കാട്ടാന ആക്രമണം; തേനെടുക്കാന് പോയ സ്ത്രീയെ ചവിട്ടിക്കൊന്നു
28 March 2024 6:28 AM GMTതൊഴിലുറപ്പ് പദ്ധതിയുടെ വേതനം കൂട്ടി കേന്ദ്രം: ഏറ്റവും കൂടുതൽ...
28 March 2024 5:25 AM GMT