വണ്ടൂര്‍ സംഗമം 2018

അജ്മാന്‍: വണ്ടൂര്‍ കൂട്ടായ്മയുടെ കുടംബ സംഗമം അംഗങ്ങളുടെ വിവിധ കലാപരിപാടികളോടെ അജ്മാനിലെ കറിലീവ്‌സ് റസ്റ്റാറന്റ് ഹാളില്‍ നടന്നു. വണ്ടൂര്‍ ഗവ: വി എം സി ഹൈസ്‌കൂള്‍ ഹൈടെക് ആക്കുന്നതുമായി ബന്ധപ്പെട്ട് ഒരു ക്ലാസ്സ് റൂം കൂട്ടായ്മ സ്‌പോണ്‍സര്‍ ചെയ്തു. പരിപാടിയുടെ ഉദ്ഘാടനം ഹസ്ബുള്ള മദാരി (ഒമാന്‍) നിര്‍വ്വഹിച്ചു. യൂനുസ് , ഹാരിസ് നീലാമ്പ്ര , മോഹന്‍, വിപിന്‍ , സിദ്ദീഖ്, ഷാലൂബ്, പ്രദീപ് എന്നിവര്‍ ആശംസകള്‍ അര്‍പ്പിച്ചു. സുബൈറിന്റ നേതൃത്വത്തില്‍ നടന്ന ഗാനമേളയും അജ്‌ലാബ് ഫൈസലിന്റെ ഡബ്‌സ്മാഷും പരിപാടിക്ക് മികവ് പകര്‍ന്നു. പ്രസിഡന്റ് അബ്ദുസ്സലാം അദ്ധ്യക്ഷം വഹിച്ച യോഗത്തില്‍ ഇസ്ഹാഖ് മദാരി സ്വാഗതവും സാജിദ് .ടി കെ നന്ദിയും പറഞ്ഞു.