ലോക കപ്പ് ഫുട്ബോളില് ആദ്യമായി ഇന്ത്യന് സാന്നിധ്യം
BY MTP19 Jun 2018 6:27 AM GMT
X
MTP19 Jun 2018 6:27 AM GMT
മോസ്കോ: ലോക കപ്പ് കളി മൈതാനത്ത് ഇന്ത്യ പന്ത് തട്ടാന് ഇനിയും എത്ര കാലം കാത്തിരിക്കണം? ഉത്തരമെന്തായാലും റഷ്യന് ലോക കപ്പ് ഗ്രൗണ്ടില് ഇന്നലെ ഇന്ത്യയുടെ സാന്നിധ്യമുണ്ടായി. ഫിഫ ലോക കപ്പിന്റെ ഔദ്യോഗിക ബോള് കാരിയറുടെ വേഷത്തിലെത്തിയ 10 വയസുകാരന് ഋഷി തേജായിരുന്നു അത്. ബെല്ജിയവും പാനമയും തമ്മിലുള്ള മല്സരത്തിന് മുന്നോടിയായി നടന്ന ചടങ്ങിലാണ് 120 കോടി ഇന്ത്യക്കാരുടെ പ്രതിനിധിയായി ഋഷി തേജ് പന്തുമായി ഗ്രൗണ്ടിലിറങ്ങിയത്.
ഒഫീഷ്യല് മാച്ച് ബോള് കാരിയര് പ്രോഗ്രാമില് ലോകത്തിന്റെ വിവിധ ഭാഗങ്ങളില് നിന്ന് തിരഞ്ഞെടുക്കപ്പെട്ട 64 കുട്ടികളില് ഒരാളായിരുന്നു ഋഷി തേജ്. ബ്രസീലും കോസ്റ്ററിക്കയും തമ്മിലുള്ള മല്സരത്തിന്റെ മുന്നോടിയായി ആന്ധ്രപ്രദേശില് നിന്നുള്ള നഥാനിയ ജോണ് കെയും ഗ്രൗണ്ടിലൂടെ ചുവടുവയ്ക്കും. ഇതിനു മുമ്പൊരിക്കലും ഫിഫ ലോക കപ്പില് ഇന്ത്യയുടെ ഔദ്യോഗിക പ്രാതനിധ്യമുണ്ടായിരുന്നില്ല. ഇതിനു പുറമേ നോയ്ഡയിലെ പ്രശരണ് പ്രകാശ്, ഗുരുഗ്രാമിലെ ആദിത്യ ബത്ര, മുംബൈയിലെ സ്കോട്ട് ആശ്ലി റോഡ്രിഗ്വസ് എന്നിവര് തിരഞ്ഞെടുക്കപ്പെട്ട കളികള് കാണുന്നതിന് സ്റ്റേഡിയത്തിലുണ്ടാവും.
കഴിഞ്ഞ മാസം ഇന്ത്യന് ഫുട്ബോള് ടീം ക്യാപ്റ്റന് സുനില് ഛേത്രിയാണ് കുട്ടികളുടെ തിരഞ്ഞെടുപ്പ് നടത്തിയത്. ഈ കുട്ടികളുടെ കഴിവുകള് തന്നെ അദ്ഭുതപ്പെടുത്തിയതെന്ന് പിന്നീട് അതേക്കുറിച്ച് ഛെത്രി പറഞ്ഞു. ലോകോത്തര കളിക്കാരുടെ പ്രകടനം അടുത്ത് കാണുന്നതിന് അവസരം ലഭിച്ച ഈ കുരുന്നുകളോട് അസൂയ തോന്നുന്നുവെന്നും ഛെത്രി പറഞ്ഞു.
തന്റെ സന്തോഷം അളക്കാനാവാത്തതാണെന്നായിരുന്നു റഷ്യയിലേക്ക് പുറപ്പെടും മുമ്പ് ബംഗളൂരുകാരനായ ഋഷി തേജിന്റെ പ്രതികരണം. ഇപ്പോഴും അതൊരു സ്വപ്നമായി തോന്നുന്നു. റഷ്യയിലെ ഓരോ നിമിഷവും ആസ്വദിക്കുന്നതിനൊപ്പം കളിയെക്കുറിച്ച് കൂടുതല് മനസിലാക്കാനും ഈ അവസരം ഉപയോഗിക്കുമെന്ന് ഋഷി തേജ് പറഞ്ഞു.
ഓട്ടോമൊബൈല് കമ്പനിയായ കിയ മോട്ടോഴ്സും ഫിഫയുമായി ചേര്ന്നാണ് 2018ലെ ലോക കപ്പില് ലോകത്തിന്റെ വിവിധ ഭാഗങ്ങളില് നിന്നുള്ള കുട്ടികള്ക്ക് പങ്കെടുക്കുന്നതിന് അവസരമൊരുക്കിയത്.
Next Story
RELATED STORIES
യുപി മുന് എംഎല്എ മുഖ്താര് അന്സാരി ജയിലില് മരണപ്പെട്ടു
28 March 2024 6:18 PM GMTഅഭിഭാഷകന്റെ മുറിയില് മയക്കുമരുന്ന് വച്ച് കുടുക്കിയെന്ന കേസില്...
28 March 2024 5:31 PM GMTഎം വി ഗോവിന്ദനെതിരേ സാമൂഹികമാധ്യമങ്ങളിലൂടെ വ്യാജപ്രചാരണം: ഡിജിപിക്കും...
28 March 2024 5:15 PM GMTബെംഗളൂരു കഫേ സ്ഫോടനം; ഒരാളെ എന് ഐഎ അറസ്റ്റ് ചെയ്തു
28 March 2024 5:01 PM GMTഇന്ത്യയില് ജുഡീഷ്യറിയെ അട്ടിമറിക്കുന്നു; ആശങ്കയറിയിച്ച് സുപ്രിംകോടതി...
28 March 2024 2:42 PM GMTകെജ് രിവാളിന്റെ ഇ ഡി കസ്റ്റഡി നാലുദിവസം കൂടി നീട്ടി; കോടതിയില് സ്വയം...
28 March 2024 1:59 PM GMT