റിപ്പബ്ലിക്ക് ദിനത്തില്‍ മദ്‌റസകളില്‍ ദേശീയ പതാക ഉയര്‍ത്തണം: ആര്‍എസ്എസ്

ന്യൂഡല്‍ഹി: റിപ്പബ്ലിക്ക് ദിനത്തില്‍ മദ്‌റസകളില്‍ ദേശീയ പതാക ഉയര്‍ത്തണമെന്ന് ആര്‍എസ്എസിന്റെ മുസ്‌ലിം ഗ്രൂപ്പായ മുസ്‌ലിം രാഷ്ട്രീയ മഞ്ച്(എംആര്‍എം). ഇതിനായി എംആര്‍എം ദേശീയ തലത്തില്‍ ക്യാംപയിന്‍ ആരംഭിച്ചതായി സംഘടന അറിയിച്ചു. ജണ്ഡാ ഫാലാനി എന്നാണ് ക്യാംപയിന്റെ പേര്. രാജ്യത്തെ എല്ലാ മദ്‌റസകളിലും ജനുവരി 26ന് ത്രിവര്‍ണ്ണ പതാക ഉയര്‍ത്തണമെന്ന് സംഘടനയുടെ ഉത്തര്‍പ്രദേശ് കോ ഓഡിനേറ്റര്‍ മീരാജിധവാജ് സിങ് പറഞ്ഞു.
എന്നാല്‍ ആര്‍എസ്എസ്സ് ത്രിവര്‍ണ്ണ പതാകയിലും ദേശീയ ഗാനത്തിലും വിശ്വസിക്കുന്നുണ്ടോയെന്ന് ദാരുല്‍ ഉലൂം സെക്രട്ടറി മൗലാനാ അശ്‌റഫ് ഉസ്മാനി എംആര്‍എമ്മിനോട് ചോദിച്ചു.