രാജ്യത്തെ സംരക്ഷിക്കാന്‍ അതിര്‍ത്തി കടന്ന് ആക്രമിക്കും: രാജ്‌നാഥ് സിങ്‌

ന്യൂഡല്‍ഹി: രാജ്യത്തെ സംരക്ഷിക്കാന്‍ അതിര്‍ത്തികടന്നുള്ള അക്രമത്തിന് ഇന്ത്യ ഇനിയും തയ്യാറാവുമെന്ന് കേന്ദ്ര ആഭ്യന്തരമന്ത്രി രാജ്‌നാഥ് സിങ്. മുംബൈ ആക്രമണത്തിന്റെ ആസൂത്രകനെന്ന് ഇന്ത്യ ആരോപിക്കുന്ന ഹാഫിസ് സഈദിന് രാഷ്ട്രീയ നിയമസാധുത നല്‍കാനുള്ള പാകിസ്താന്‍ നീക്കത്തിനെതിരേ പ്രതികരിക്കവേയായിരുന്നു രാജ്‌നാഥ് സിങിന്റെ പരാമര്‍ശം. ജമ്മുകശ്മീര്‍ ഇന്ത്യയുടെ അവിഭാജ്യ ഘടകമാണെന്ന നിലപാടില്‍ മാറ്റമില്ല.
ഇവിടത്തെ പ്രശ്‌നങ്ങള്‍ക്ക് ശാശ്വത പരിഹാരം കാണുന്നതിനുള്ള ചര്‍ച്ചകള്‍ നടക്കുകയാണെന്നും അദ്ദേഹം പറഞ്ഞു. യുഎന്‍ പോലും ഭീകരരുടെ പട്ടികയില്‍പ്പെടുത്തിയ ഹാഫിസ് സഈദിനെ സ്വന്തമായി രാഷ്ട്രീയപ്പാര്‍ട്ടി രൂപീകരിച്ച് തിരഞ്ഞെടുപ്പില്‍ മല്‍സരിക്കാന്‍ അനുവദിക്കുന്ന നയമാണ് പാകിസ്താന്റേതെന്നും അദ്ദേഹം പറഞ്ഞു.
Next Story

RELATED STORIES

Share it