രഞ്ജി ട്രോഫി : സക്സേന മികവില് കേരളത്തിന് മിന്നും ജയം
BY fousiya sidheek28 Oct 2017 4:49 AM GMT
fousiya sidheek28 Oct 2017 4:49 AM GMT
തിരുവനന്തപുരം: രഞ്ജി ട്രോഫിയില് രാജസ്ഥാനെതിരായ മല്സരത്തില് കേരളത്തിന് വിജയം. 131 റണ്സിനാണ് സീസണിലെ രണ്ടാമത്തെ വിജയം കേരളം നേടിയത്. 343 റണ്സിന്റെ വിജയലക്ഷ്യവുമായി ഇന്നലെ ബാറ്റിങിനിറങ്ങിയ രാജസ്ഥാന് കേരളത്തിന്റെ ബൗളിങ് കരുത്തില് അടിതെറ്റി. 30.4 ഓവറില് 84 റണ്സ് വിട്ടുകൊടുത്ത് അഞ്ചുവിക്കറ്റു നേടിയ സിജോമോന് ജോസഫാണ് രാജസ്ഥാനെ തകര്ത്തത്. 211 റണ്സിനു ഓള്ഔട്ടായ രാജസ്ഥാനുവേണ്ടി റോബിന് ബിസ്റ്റ് 70 റണ്സും മഹിപാല് ലോംറോര് 53 റണ്സും നേടി. രാജേഷ് ബിഷ്ണോയി (35), ദീപക് ചഹര്(21) എന്നിവരാണ് മറ്റ് സ്്കോറര്മാര്. കേരളത്തിനായി ജലജ് സക്സേന രണ്ടു വിക്കറ്റും അരുണ് കാര്ത്തിക്, എം ഡി നീദീഷ്, സന്ദീപ് വാര്യര് എന്നിവര് ഓരോ വിക്കറ്റും നേടി. 217 റണ്സുമായി ഇന്നലെ ബാറ്റിങ് തുടങ്ങിയ കേരളം നാലുവിക്കറ്റ് നഷ്ടത്തില് 250 റണ്സെടുത്ത് നില്ക്കവെ ഡിക്ലയര് ചെയ്യുകയായിരുന്നു. 105 റണ്സെടുത്ത് പുറത്താകാതെ നിന്ന ജലജ് സക്സേനയും 72 റണ്സടിച്ച സഞ്ജു വി സാംസണും രണ്ടാമിന്നിങ്സില് കേരളത്തിനായി മികച്ച ബാറ്റിങ് പുറത്തെടുത്തു. ക്യാപ്റ്റന് സചിന് ബേബി 30 റണ്സ് നേടി. രണ്ട് ഇന്നിങ്സിലും ഓള്റൗണ്ട് പ്രകടനം നടത്തിയ ജലജ് സക്സേനയാണ് മാന് ഓഫ് ദ മാച്ച്. ആദ്യ ഇന്നിങ്സില് എട്ടു വിക്കറ്റും 79 റണ്സും നേടിയ സക്സേന രണ്ടാം ഇന്നിങ്സില് സെഞ്ച്വറിക്കൊപ്പം രണ്ടുവിക്കറ്റും നേടി. ഒപ്പം രോഹന് പ്രേം (86 റണ്സ്), സചിന് ബേബി (78), സഞ്ജു വി സാംസണ് (42) എന്നിവരുടെ പിന്തുണ കൂടി ആയതോടെ കേരളത്തിന്റെ ഒന്നാമിന്നിങ്സ് സ്കോര് 300 കടക്കുകയായിരുന്നു. രാജസ്ഥാനായി എം കെ ലോംറോര് നാല് വിക്കറ്റ് വീഴ്ത്തി. ഈ സീസണില് കേരളത്തിന്റെ രണ്ടാമത്തെ വിജയമാണിത്. മൂന്ന് മല്സരങ്ങളില് രണ്ടു വിജയവും ഒരു തോല്വിയുമുള്ള കേരളം 12 പോയിന്റുമായി മൂന്നാം സ്ഥാനത്താണ്.
Next Story
RELATED STORIES
ഹാത്റസിലെ ബിജെപി എംപി ഹൃദയാഘാതത്തെ തുടര്ന്ന് മരിച്ചു
24 April 2024 4:30 PM GMTകലാശക്കൊട്ട് കഴിഞ്ഞു മടങ്ങിയ സിഐടിയു തൊഴിലാളി ജീപ്പില്നിന്ന് വീണു...
24 April 2024 4:13 PM GMTലോക്സഭാ തിരഞ്ഞെടുപ്പ്: രാജ്യത്തിന്റെ വീണ്ടെടുപ്പ് മുഖ്യ...
24 April 2024 2:41 PM GMTമോദിയുടെ വിദ്വേഷ പരാമര്ശങ്ങളെ വിമര്ശിച്ചു; ന്യൂനപക്ഷ മോര്ച്ച...
24 April 2024 2:36 PM GMTഅറ്റകുറ്റപ്പണി; മാഹി പാലം 29 മുതല് മെയ് 10 വരെ അടച്ചിടും
24 April 2024 2:19 PM GMT'തിരിച്ചടി കിട്ടാതെ കൂത്താടി നടന്ന കാലമൊക്കെ കഴിഞ്ഞു'; ഗസ...
24 April 2024 12:56 PM GMT