രഞ്ജി ട്രോഫി മല്‍സരത്തിനിടെ ഗംഭീറും തിവാരിയും തമ്മില്‍ കൈയ്യാങ്കളി

ന്യൂഡല്‍ഹി: രഞ്ജി ട്രോഫി മല്‍സരത്തിനിടെ ഇന്ത്യന്‍ ടീം അംഗങ്ങളായ ഗൗതം ഗംഭീറും മനോജ് തിവാരിയും തമ്മില്‍ കൈയ്യാങ്കളി. ബംഗാള്‍-ഡല്‍ഹി മല്‍സരത്തിനിടെയാണ് കൈയ്യാങ്കളി. ഡല്‍ഹി ഫിറോസ് ഷാ കോട്‌ല മൈതാനത്താണ് ഇരുവരുടെയും വാക്കേറ്റം നടന്നത്.
മനോജ് തിവാരി ബാറ്റ് ചെയ്യാനെത്തിയപ്പോള്‍ ബൗളറോട് നില്‍ക്കാനാവശ്യപ്പെടുകയും ഡ്രസ്സിങ് റൂമിലേക്ക് ഹെല്‍മെറ്റ് എടുക്കാന്‍ നിര്‍ദ്ദേശം നല്‍കുകയും ചെയ്തു.  ഇതുകേട്ട ഡല്‍ഹി താരങ്ങള്‍ തിവാരി മനപൂര്‍വ്വം മല്‍സരം നീട്ടുകയാണെന്ന്് ആരോപിച്ചു.
ഇതിനിടെയാണ് ഗൗതം ഗംഭീര്‍ വന്ന് തിവാരിയുമായി വാക്കേറ്റം നടന്നത്. ഇതിനിടെ അംപയര്‍ കെ. ശ്രീനാഥ്  വന്ന ഇരുവരെയും മാറ്റാന്‍ ശ്രമിച്ചു. അംപയറെ ഗംഭീര്‍ പിടിച്ചു തള്ളി. അംപയറെ പിടിച്ചു തള്ളുന്നത് ഗുരുതരമായ കുറ്റമായതിനാല്‍ ഗംഭീറിനെതിരെ കടുത്ത നടപടിക്ക് സാധ്യതയുണ്ട്.