യൂത്ത് കോണ്ഗ്രസ് സമരത്തിനിടെ കെഎസ്യു നേതാക്കള് തമ്മില് കൈയാങ്കളി
BY fousiya sidheek7 Jun 2017 5:36 AM GMT
fousiya sidheek7 Jun 2017 5:36 AM GMT
കൈപ്പമംഗലം: എടത്തിരിത്തിയില് യൂത്ത് കോണ്ഗ്രസ് സംഘടിച്ച സമരപരിപാടിക്കിടെ കെഎസ്യു നേതാക്കള് തമ്മി ല് കൈയ്യാങ്കളി. കെഎസ്യു മുന് ജില്ലാ പ്രസിഡന്റും ജില്ലാ പഞ്ചായത്തംഗവുമായ ശോഭാ സുബിനും കാലിക്കറ്റ് യൂനിവേഴ്സിറ്റി മുന് ചെയര്മാനായ വി എ ആഷിഫും തമ്മിലാണ് കൈയ്യാങ്കളിയുണ്ടായത്. പ്രവര്ത്തകര് ചേര്ന്ന് ഇരുവരെയും പിടിച്ചു മാറ്റുകയായിരുന്നു. എടത്തിരുത്തി കോഴിത്തുമ്പില് കഴിഞ്ഞ ദിവസം നടന്ന യൂത്ത് കോണ്ഗ്രസ് മാര്ച്ചിനിടെയായിരുന്നു സംഭവം. മൂന്നു മാസം മുമ്പ് കോണ്ഗ്രസ് നടത്തിയ സമര പരിപാടിയില് പങ്കെടുക്കാതെ എല്ഡിഎഫ് ഭരിക്കുന്ന പഞ്ചായത്ത് പരിപാടിയില് പങ്കെടുത്ത ശോഭ സുബിന്റെ നിലപാടിനെതുടര്ന്ന് ഇനി മുതല് പാര്ട്ടിയുടെ ഒരു പരിപാടിയിലും പങ്കെടുപ്പിക്കില്ലെന്ന് കോണ്ഗ്രസ് ചെന്ത്രാപ്പിന്നി എടത്തിരുത്തി മണ്ഡലം കമ്മിറ്റിയും എടത്തിരുത്തി പഞ്ചായത്ത് യുഡിഎഫ് കമ്മിറ്റിയും തീരുമാനമെടുത്തിരുന്നു. ഇതിനിടെയാണ് സ്ഥലത്ത് യൂത്ത് കോണ്ഗ്രസ് നടത്തിയ പരിപാടിയില് ശോഭാ സുബിന് പങ്കെടുത്തതും കൈയ്യാങ്കളിയുണ്ടാവുകയും ചെയ്തത്. പൊതുപരിപാടിക്കിടെ ശോഭാസുബിന് തന്നെ ആക്രമിക്കുകയും ജനമധ്യത്തില് വച്ച് അപമാനിക്കുകയും ചെയ്തുവെന്ന് പറഞ്ഞ് വി എ ആഷിഫ് ഡിസിസി നേതൃത്വത്തിന് പരാതി നല്കി. സംഭവത്തെക്കുറിച്ച് അന്വേഷിച്ച് റിപോര്ട്ട് നല്കാനായി ഡിസിസി രണ്ടംഗ കമ്മീഷനെ നിയോഗിച്ചിട്ടുണ്ട്.
Next Story
RELATED STORIES
വിവിപാറ്റ്; കൂടുതല് വ്യക്തത തേടി സുപ്രിംകോടതി; ഉച്ചയ്ക്ക് രണ്ടിന്...
24 April 2024 8:12 AM GMTസുപ്രിംകോടതി നിര്ദേശത്തിന് പിന്നാലെ മാപ്പപേക്ഷിക്കുന്ന പുതിയ...
24 April 2024 6:40 AM GMTമുതല്മുടക്കും ലാഭവിഹിതവും നല്കിയില്ല; മഞ്ഞുമ്മല് ബോയ്സ്...
24 April 2024 6:35 AM GMTവിവി പാറ്റില് വ്യക്തത തേടി സുപ്രിം കോടതി; സാങ്കേതിക വിഷയങ്ങൾ...
24 April 2024 6:22 AM GMTപത്തനംതിട്ടയിൽ കൊവിഡ് വാക്സിൻ എന്ന് തെറ്റിദ്ധരിപ്പിച്ച് വയോധികയ്ക്ക്...
24 April 2024 6:21 AM GMTഇറാനെ വീണ്ടും ആക്രമിച്ചാല് ഇസ്രായേലിനെ പൂര്ണമായും തുടച്ച് നീക്കും;...
24 April 2024 6:04 AM GMT