യുവാവിന് വെട്ടേറ്റു; ഒരാള്‍ അറസ്റ്റില്‍

അടൂര്‍: തര്‍ക്കത്തെതുടര്‍ന്ന് യുവാവിന് വെട്ടേറ്റു. ഇതുമായി ബന്ധപ്പെട്ട് ഒരാളെ അടൂര്‍ പൊലീസ് അറസ്റ്റു ചെയ്തു. ഏഴംകുളം തേപ്പുപാറ തെങ്ങുംതറയില്‍ വീട്ടില്‍ കൊച്ചുനാരായണന്റെ മകന്‍ രാജീവി (32)നാണ് പരിക്കേറ്റത്. ഇയാളെ അടൂരിലെ സ്വകാര്യ ആശുപത്രിയില്‍ പ്രവേശിപ്പിച്ചു. ഏഴംകുളം ക്ഷേത്രത്തിനു സമീപം തൈവിളയില്‍ ഷിനു (40)വിനെയാണ് അറസ്റ്റു ചെയ്തത്. അടൂര്‍ ഒന്നാം ക്ലാസ് ജുഡീഷ്യല്‍ മജിസട്രേറ്റ് കോടതി ഇയാളെ റിമാന്റ് ചെയ്തു.