മോഹന്ലാലിനെതിരേ ത്വരിതാന്വേഷണം വേണ്ടെന്ന് ഹൈക്കോടതി
BY fousiya sidheek16 Jun 2017 4:26 AM GMT
fousiya sidheek16 Jun 2017 4:26 AM GMT
കൊച്ചി: ആനക്കൊമ്പ് കൈവശം വച്ച കേസില് ചലച്ചിത്ര നടന് മോഹന്ലാലിനെതിരേ ത്വരിതാന്വേഷണം നടത്തണമെന്ന വിജിലന്സ് കോടതി ഉത്തരവ് ഹൈക്കോടതി റദ്ദാക്കി. നിയമവിരുദ്ധമായി പ്രവര്ത്തിച്ചിട്ടില്ലാത്തതിനാല് ഇത്തരത്തില് വിജിലന്സ് കോടതിക്ക് ഉത്തരവിടാന് അധികാരമില്ലെന്നും കോടതി ഉത്തരവ് റദ്ദാക്കണമെന്നും ആവശ്യപ്പെട്ട് മോഹന്ലാല് നല്കിയ ഹരജിയാണ് കോടതി അനുവദിച്ചത്.മോഹന്ലാലിനെ കൂടാതെ മുന്മന്ത്രി തിരുവഞ്ചൂര് രാധാകൃഷ്ണന് ഉള്പ്പെടെ പത്തു പേരെ എതിര്കക്ഷികളാക്കിയാണ് ഉദ്യോഗമണ്ഡല് സ്വദേശി പൗലോസ് വിജിലന്സ് കോടതിയില് പരാതി നല്കിയിരുന്നത്. എന്നാല്, എതിര്കക്ഷികളില് നിന്ന് ചിലരെ ഒഴിവാക്കി തിരുവഞ്ചൂര് രാധാകൃഷ്ണും മോഹന്ലാലിനുമെതിരേ ത്വരിതാന്വേഷണം നടത്താനാണ് വിജിലന്സ് കോടതി ഉത്തരവിട്ടത്. ഈ നടപടിയാണ് മോഹന്ലാല് ചോദ്യം ചെയ്തത്. കേന്ദ്ര സര്ക്കാരിന്റെ അനുമതിയോടെ സംസ്ഥാന സര്ക്കാര് നല്കിയ ലൈസന്സുള്ളതിനാലാണ് ആനക്കൊമ്പ് കൈവശം സൂക്ഷിച്ചിട്ടുള്ളതെന്നും മോഹന്ലാല് ഹരജിയില് ചൂണ്ടിക്കാട്ടിയിരുന്നു. കൊച്ചിയിലെ വസതിയില് നിന്നു കണ്ടെടുത്ത ആനക്കൊമ്പുകളുടെ കാര്യത്തില് നിയമപരിരക്ഷ ഉറപ്പാക്കി ഉത്തരവ് പുറപ്പെടുവിച്ച സാഹചര്യം ചൂണ്ടിക്കാട്ടി മോഹന്ലാലിനെതിരേ നേരത്തേ കോടതിയില് നിലനിന്നിരുന്ന ഹരജി തീര്പ്പാക്കിയിരുന്നു. അനധികൃതമായി ആനക്കൊമ്പുകള് കൈവശം സൂക്ഷിച്ചതിന് 2012ലാണ് വനം വകുപ്പ് മോഹന്ലാലിനെതിരേ കേസെടുത്തത്. കേസെടുത്തതിനു ശേഷം മോഹന്ലാലിന് ആനക്കൊമ്പുകള് വിട്ടുനല്കിയ മജിസ്ട്രേറ്റിന്റെ ഉത്തരവ് ചോദ്യം ചെയ്തായിരുന്നു നേരത്തേയുണ്ടായിരുന്ന ഹരജി.
Next Story
RELATED STORIES
പാലക്കാട്ട് ഉഷ്ണതരംഗ മുന്നറിയിപ്പ്; 12 ജില്ലകളില് യെല്ലോ അലര്ട്ട്
24 April 2024 10:50 AM GMTവിവിപാറ്റ്; കൂടുതല് വ്യക്തത തേടി സുപ്രിംകോടതി; ഉച്ചയ്ക്ക് രണ്ടിന്...
24 April 2024 8:12 AM GMTസുപ്രിംകോടതി നിര്ദേശത്തിന് പിന്നാലെ മാപ്പപേക്ഷിക്കുന്ന പുതിയ...
24 April 2024 6:40 AM GMTവിവി പാറ്റില് വ്യക്തത തേടി സുപ്രിം കോടതി; സാങ്കേതിക വിഷയങ്ങൾ...
24 April 2024 6:22 AM GMTപത്തനംതിട്ടയിൽ കൊവിഡ് വാക്സിൻ എന്ന് തെറ്റിദ്ധരിപ്പിച്ച് വയോധികയ്ക്ക്...
24 April 2024 6:21 AM GMT25000 കോടിയുടെ തട്ടിപ്പ് കേസില് ഉപമുഖ്യമന്ത്രി അജിത് പവാറിന് ആശ്വാസം; ...
24 April 2024 5:49 AM GMT