മുത്ത്വലാഖ് നിരോധനം: ഏക സിവില്‍കോഡ് നടപ്പാക്കാനുള്ള ശ്രമമാണെന്ന് എംഎം ഹസ്സന്‍

തിരുവനന്തപുരം: മുത്ത്വലാഖ് നിരോധനത്തിലൂടെ ഏക സിവില്‍കോഡ്  നടപ്പാക്കാനാണ് കേന്ദ്രസര്‍ക്കാര്‍ ലക്ഷ്യമിടുന്നതെന്ന് കെപിസിസി അധ്യക്ഷന്‍ എംഎം ഹസ്സന്‍.



ഇതേ അഭിപ്രായമാണ് കോണ്‍ഗ്രസിനുമുള്ളത്. വിഷയത്തില്‍, ശരീഅത്തില്‍ ഊന്നിയുള്ള നിയമനിര്‍മ്മാണമാണ് ആവശ്യമെന്നും ഹസ്സന്‍ പറഞ്ഞു.
ഏക സിവില്‍കോഡ് നടപ്പാക്കാനുള്ള ആര്‍എസ്എസ്-ബിജെപി അജണ്ടയാണ് മുത്ത്വലാഖ് നിരോധനത്തിന് പിന്നിലുള്ളത്. മുസ് ലിം സംഘടനകള്‍, മതപണ്ഡിതന്മാര്‍, സ്ത്രീ സംഘടനകള്‍ എന്നിവരുമായി ചര്‍ച്ചചെയ്ത് എന്തുകൊണ്ട് കേന്ദ്രസര്‍ക്കാരിന് ഒരു നിയമം കൊണ്ടുവന്നൂകൂടായെന്നും ഹസ്സന്‍ ചോദിച്ചു.