മുഖ്യമന്ത്രിയെ ഭീഷണിപ്പെടുത്തി ഫെയ്‌സ്ബുക്ക് പോസ്റ്റിട്ട യുവാവ് അറസ്റ്റില്‍

പന്തളം: മുഖ്യമന്ത്രിയെ അധിക്ഷേപിച്ചും ഭീഷണിപ്പെടുത്തിയും ഫെയ്‌സ്ബുക്ക് പോസ്റ്റിട്ട യുവാവിനെ പന്തളം പോലീസ് അറസ്റ്റു ചെയ്തു. കുളനട ഞെട്ടൂര്‍ മാളു ഭവനില്‍ മണികുട്ടന്‍ എന്നു വിളിക്കുന്ന മിഥുന്‍ (19) ആണ് അറസ്റ്റിലായത്.


നാലു മാസം മുമ്പാണ് അറസ്റ്റിനു കാരണമായ പോസ്റ്റ്ഇട്ടത്. കുളനട സി പി എം ലോക്കല്‍ സെക്രട്ടറിയുടെ പരാതിയെ തുടര്‍ന്നുള്ള അന്വേഷണത്തില്‍ ഇന്നു രാവിലെ വീട്ടിലെത്തിയ പ്രതിയെ എസ്‌ഐ ബി സജീഷ് കുമാറിന്റെ നേതൃത്തത്തിലുള്ള പോലിസ് അറസ്റ്റു ചെയ്തു.