മുഖ്യമന്ത്രിക്കെതിരേ സിപിഐ വീണ്ടും
BY fousiya sidheek9 May 2017 2:18 AM GMT
fousiya sidheek9 May 2017 2:18 AM GMT
തിരുവനന്തപുരം: മുഖ്യമന്ത്രി പിണറായി വിജയനും സിപിഎമ്മിനുമെതിരേ രൂക്ഷവിമര്ശനവുമായി വീണ്ടും സിപിഐ. ഇന്നലെ എം എന് സ്മാരക മന്ദിരത്തില് ചേര്ന്ന സംസ്ഥാന എക്സിക്യൂട്ടീവ് യോഗത്തിലാണ് മുഖ്യമന്ത്രിക്കും സിപിഎമ്മിനുമെതിരേ നേതാക്കള് വിമര്ശനം അഴിച്ചുവിട്ടത്. മൂന്നാര് കൈയേറ്റമൊഴിപ്പിക്കലില് മുഖ്യമന്ത്രി മുന്കൈയെടുത്ത് സര്വകക്ഷിയോഗം വിളിച്ചത് ഒഴിപ്പിക്കലിന്റെ ക്രെഡിറ്റിനു വേണ്ടിയാണെന്ന് സിപിഐ കുറ്റപ്പെടുത്തി. കൈയേറ്റമൊഴിപ്പിക്കാന് നടപടിയെടുത്ത റവന്യൂ വകുപ്പിന്റെ നിലപാടിന് പൊതുപിന്തുണയുണ്ട്. അതിന്റെ ക്രെഡിറ്റിനുവേണ്ടിയാണ് നടപടികള് തുടര്ന്നുവരുന്നതിനിടയില് സര്വകക്ഷിയോഗം വിളിച്ചത്. അനധികൃത കൈയേറ്റമൊഴിപ്പിക്കല് നടപടിയുമായി മുന്നോട്ടുപോവാന് റവന്യൂ വകുപ്പിന് നിര്ദേശം നല്കാനും യോഗം തീരുമാനിച്ചു. കൈയേറ്റം വന്കിടയെന്നോ ചെറുകിടയെന്നോ നോക്കാതെ ഒഴിപ്പിക്കണമെന്നും അംഗങ്ങള് ആവശ്യപ്പെട്ടു. കഴിഞ്ഞ ദിവസം മുഖ്യമന്ത്രിയുടെ അധ്യക്ഷതയില് ചേര്ന്ന സര്വകക്ഷി യോഗത്തില് വന്കിട കൈയേറ്റം ആദ്യം ഒഴിപ്പിക്കുമെന്നായിരുന്നു അറിയിച്ചത്. ഇതിന് വ്യത്യസ്തമായ നിലപാടാണ് സിപിഐ എടുത്തത്. കെ എം മാണിയുമായി കൂട്ടുകൂടിയ സിപിഎം കോട്ടയം ജില്ലാ കമ്മിറ്റിയുടെ നടപടിയും യോഗത്തില് വിമര്ശനവിധേയമായി. മാണിയെ ഒരു കാരണവശാലും മുന്നണിയില് ഉള്പ്പെടുത്താനാവില്ലെന്ന വികാരമായിരുന്നു യോഗത്തില് നേതാക്കള് പ്രകടമാക്കിയത്. കോട്ടയം ജില്ലാ പഞ്ചായത്ത് പ്രസിഡന്റ് തിരഞ്ഞെടുപ്പില് കേരളാ കോണ്ഗ്രസ്സിന് പിന്തുണ നല്കിയ സിപിഎം നടപടിക്കെതിരേ നേരത്തേ തന്നെ സിപിഐ നേതാക്കള് രംഗത്തെത്തിയിരുന്നു. സിപിഐ മുഖപത്രവും സിപിഎം നിലപാടിനെ രൂക്ഷമായി വിമര്ശിച്ചിരുന്നു. ഇതിനെതിരേ ദേശാഭിമാനി മുഖപ്രസംഗത്തില് സിപിഐയ്ക്കെതിരേ വിമര്ശനം ചൊരിഞ്ഞിരുന്നു.
Next Story
RELATED STORIES
70 ബന്ദികളെ ഇസ്രായേല് കൊലപ്പെടുത്തിയെന്ന് അമേരിക്കന്-ഇസ്രായേലി...
25 April 2024 6:33 AM GMTമമത ബാനര്ജിക്കെതിരെ അപമാനകരമായ വാക്കുകള് ഉപയോഗിച്ച സുവേന്ദു...
25 April 2024 6:14 AM GMTവെറ്റിലയും ചുണ്ണാമ്പും നല്കിയാല് ആദിവാസികള് വോട്ട് ചെയ്യുമെന്ന...
25 April 2024 6:12 AM GMTതിരഞ്ഞെടുപ്പ് ഡ്യൂട്ടിക്ക് പോയ ഉദ്യോഗസ്ഥന് കാറിടിച്ചു മരിച്ചു
25 April 2024 6:10 AM GMTനിമിഷ പ്രിയയെ കാണാന് സാധിച്ചതിന്റെ ആശ്വാസവും സന്തോഷവും പങ്കുവെച്ച്...
25 April 2024 6:07 AM GMTകിറ്റ് വിതരണം കെ സുരേന്ദ്രന് വേണ്ടി; തോല്വിയുടെ ആഘാതം കുറയ്ക്കാന് :...
25 April 2024 5:49 AM GMT