മാവോവാദി ബന്ധം; പോലിസിന്റെ ആരോപണം കെട്ടിച്ചമച്ചത്: ആനന്ദ് തെല്തുംബ്ഡെ
BY kasim kzm2 Sep 2018 1:53 AM GMT
kasim kzm2 Sep 2018 1:53 AM GMT
മുംബൈ/ഹൈദരാബാദ്: മാവോവാദികള് ഫണ്ട് നല്കി പാരിസില് സംഘടിപ്പിച്ച സമ്മേളനത്തില് താന് പങ്കെടുത്തെന്ന മഹാരാഷ്ട്ര പോലിസിന്റെ ആരോപണം മനുഷ്യാവകാശ പ്രവര്ത്തകന് ആനന്ദ് തെല്തുംബ്ഡെ തള്ളി. മാവോവാദി ബന്ധം ആരോപിച്ച് ആഗസ്ത് 28ന് രാജ്യവ്യാപകമായി മനുഷ്യാവകാശ പ്രവര്ത്തകരുടെയും അഭിഭാഷകരുടെയും വീടുകളില് പൂനെ പോലിസ് നടത്തിയ റെയ്ഡില് ഗോവയിലെ മാനേജ്മെന്റ് അധ്യാപകനായ തെല്തുംബ്ഡെയും ഉള്പ്പെട്ടിരുന്നു. തനിക്ക് ഒരു മാവോവാദി നേതാവിനെയും അറിയില്ല. അക്കാദമി സമ്മേളനങ്ങളില് പങ്കെടുക്കാന് രാജ്യത്തിനു പുറത്തു പോവാറുണ്ട്. ഔദ്യോഗിക ക്ഷണപ്രകാരം പോവുന്ന അതിനെല്ലാം രേഖകളുമുണ്ട്. പോലിസിന്റെ ആരോപണം വ്യാജമാണ്. തന്റെ പ്രതിച്ഛായ കളങ്കപ്പെടുത്താനാണ് ശ്രമമെന്നും അദ്ദേഹം പറഞ്ഞു. അറസ്റ്റിലായ മനുഷ്യാവകാശ പ്രവര്ത്തകന് വെര്ണോണ് ഗോണ്സാലസിന്റെ മകന് സാഗര് ഗോണ്സാലസും പോലിസ് ആരോപണങ്ങള് തള്ളി. വീട്ടില് റെയ്ഡ് നടക്കുമ്പോള് താന് സന്നിഹിതനായിരുന്നുവെന്നും എന്താണ് പോലിസ് പിടിച്ചെടുത്തതെന്നു തനിക്കറിയാമെന്നും അദ്ദേഹം പറഞ്ഞു. അറസ്റ്റിലായ തെലുങ്കു കവി വരവര റാവുവിന്റെ മരുമകനും പോലിസിന്റെ ആരോപണം തള്ളി.
Next Story
RELATED STORIES
ഫ്രീലാന്സ് ജോലികളുടെ കാലം
20 April 2024 7:03 AM GMTകണ്ണൂരിൽ ബോംബ് സ്ഫോടനത്തിൽ പരിക്കേറ്റ സിപിഎം പ്രവര്ത്തകൻ മരിച്ചു;...
5 April 2024 8:53 AM GMTറിയാസ് മൗലവി കൊലക്കേസ്: ആര്എസ്എസ്സുകാരായ മൂന്ന് പ്രതികളെയും കോടതി...
30 March 2024 6:06 AM GMTഒമ്പത് പോപുലര് ഫ്രണ്ട് മുന് പ്രവര്ത്തകര്ക്ക് ജാമ്യം; എന്ഐഎയ്ക്ക്...
21 March 2024 6:30 AM GMTഭരണഘടനയെ അട്ടിമറിക്കുന്ന മോദി സര്ക്കാരിനെ താഴെയിറക്കുക: പി അബ്ദുല്...
20 March 2024 6:27 PM GMTതമിഴ്നാട്ടില് എസ് ഡിപി ഐ-എഐഎഡിഎംകെ സഖ്യം; ദിണ്ടിഗല് മണ്ഡലത്തില്...
20 March 2024 5:51 PM GMT