മാറാക്കരയില് വൈസ് പ്രസിഡന്റിനെതിരേ യുഡിഎഫ് അവിശ്വാസപ്രമേയം പാസായി
BY fousiya sidheek30 Jun 2017 3:14 AM GMT
fousiya sidheek30 Jun 2017 3:14 AM GMT
പുത്തനത്താണി: മാറാക്കര ഗ്രാമപ്പഞ്ചായത്തില് വൈസ് പ്രസിഡന്റിനെതിരേ യുഡിഎഫ് അംഗങ്ങള് കൊണ്ടുവന്ന അവിശ്വാസ പ്രമേയം പാസായി. വൈസ് പ്രസിഡന്റായിരുന്ന വി പി സമീറയ്ക്കെതിരേയാണ് ഇന്നലെ യുഡിഎഫ് അവിശ്വാസപ്രമേയം കൊണ്ടുവന്നത്. യുഡിഎഫിലെ ഒരംഗമൊഴിച്ച് എല്ലാ അംഗങ്ങളും അവിശ്വാസ വോട്ടെടുപ്പില് പങ്കെടുത്തു. വൈസ് പ്രസിഡന്റടക്കമുള്ള ആറ് ഇടത് അംഗങ്ങള് വോട്ടെടുപ്പില്നിന്നു വിട്ടുനിന്നു. ഇതോടെ യുഡിഎഫ് കൊണ്ടുവന്ന അവിശ്വാസ പ്രമേയം 13 അംഗങ്ങളുടെ പിന്തുണയോടെ പാസാവുകയായിരുന്നു. നേരത്തെ ജില്ലാ യുഡിഎഫ് കമ്മിറ്റിയുടെ നിര്ദേശത്തെ തുടര്ന്ന് സിപിഎം കോണ്ഗ്രസും ചേര്ന്ന് രൂപീകരിച്ചിരുന്ന ജനകീയ വികസന മുന്നണിയില്നിന്ന് കോണ്ഗ്രസ് വിട്ടുപോരുകയും ലീഗുമായി ചേര്ന്ന് യുഡിഎഫ് സംവിധാനം ശക്തിപ്പെടുത്തുകയും ചെയ്തതോടെയാണ് പഞ്ചായത്തില് ജനകീയ വികസന മുന്നണി തകര്ന്നത്. യുഡിഎഫ് കമ്മിറ്റിയുടെ നിര്ദേശത്തിന്റെ ഭാഗമായി നിലവിലെ പ്രസിഡന്റായിരുന്ന വി മധുസൂദനന് രാജിവയ്ക്കുകയും പകരം മുസ്്ലിംലീഗിലെ എ പി മൊയ്തീന്കുട്ടി മാസ്റ്ററെ പുതിയ പ്രസിഡന്റാക്കി തിരഞ്ഞെടുക്കുകയും ചെയ്തിരുന്നു. ജനകീയ വികസന മുന്നണിയുടെ പിന്ബലത്തില് ലഭിച്ച വൈസ് പ്രസിഡന്റ് സ്ഥാനം രാജിവയ്ക്കാത്തതിനെ തുടര്ന്നാണ് യുഡിഎഫ് അവിശ്വാസ പ്രമേയം കൊണ്ടുവന്നത്.
Next Story
RELATED STORIES
പരീക്ഷാപേപ്പറില് 'ജയ്ശ്രീറാം' എന്നെഴുതിയ വിദ്യാര്ഥികള്ക്ക്...
25 April 2024 1:05 PM GMTപട്നയില് ഹോട്ടലില് വന് തീപിടിത്തം; ആറുമരണം
25 April 2024 11:53 AM GMTജാവദേക്കര് ഇ പിയുമായി ചര്ച്ച നടത്തിയത് പിണറായിക്കു വേണ്ടി; സുധാകരന് ...
25 April 2024 11:24 AM GMTമസ്ജിദിനു നേരെ 'അമ്പെയ്ത' ഹൈദരാബാദിലെ ബിജെപി സ്ഥാനാര്ഥിയുടെ ആസ്തി 221 ...
25 April 2024 11:03 AM GMTതൃശ്ശൂർ പൂരത്തിനിടെ വിദേശ വ്ളോഗർമാർക്ക് നേരേ ലൈംഗികാതിക്രമം
25 April 2024 10:54 AM GMT41 ഡിഗ്രി സെൽഷ്യസ് വരെ താപനില ഉയരാൻ സാധ്യത, പാലക്കാട് ഉഷ്ണതരംഗ...
25 April 2024 10:52 AM GMT