മാരകായുധങ്ങളുമായി പിടിയിലായ യുവാവിനെ അറസ്റ്റ് ചെയ്തു
BY fousiya sidheek4 Oct 2017 5:08 AM GMT
fousiya sidheek4 Oct 2017 5:08 AM GMT
കാസര്കോട്: കഴിഞ്ഞ ദിവസം പുലര്ച്ചെ കാസര്കോട് റെയില്വേ സ്റ്റേഷന് പരിസരത്ത് നിന്നും മാര കായുധങ്ങളുമായി പിടിയിലായ യുവാവ് രണ്ട് വീടുകള് കവര്ച്ച ചെയ്യാന് പദ്ധതിയിട്ടതായി ചോദ്യം ചെയ്യലില് മൊഴി നല്കി. തളങ്കര ബാങ്കോട്ടെ മുഹമ്മദ് അര്ഫാസി(22)നെ ചോദ്യം ചെയ്തപ്പോഴാണ് കവര്ച്ച പദ്ധതി തെളിഞ്ഞത്. ചട്ടഞ്ചാല് പുത്തരിയടുക്കത്തും കോളിയടുക്കത്തുമുള്ള വീടുകളാണ് കവര്ച്ച ചെയ്യാന് പദ്ധതിയിട്ടതെന്ന് പോലിസ് പറഞ്ഞു. അര്ഫാസിന്റെ സംഘത്തില് സ്ത്രീകളുമുണ്ട്. ഇവര് ചില വീടുകളിലെ ആഘോഷങ്ങളില് പങ്കെടുത്താണ് വീട്ടുകാരെ വലയിലാക്കുന്നത്. സ്ത്രീകള് മാത്രമുള്ള വീടുകള് ലക്ഷ്യമിടുന്ന സംഘം പകല് സമയത്ത് എത്തി പരിചയം പുതുക്കുകയാണ്. ജ്യൂസുകളില് മയക്ക് ഗുളിക നല്കി വശീകരിച്ച ശേഷം കവര്ച്ച ചെയ്യാനാണ് ഇങ്ങനെ ചെയ്യുന്നതെന്നും പോലിസ് പറഞ്ഞു. ഏതാനും വര്ഷം മുമ്പ് ബദിയടുക്കയില് ഒരു വീട്ടില് നിന്നും അഞ്ച് പവന് സ്വര്ണാഭരണങ്ങളും പണവും കവര്ന്നിരുന്നു. ഇതിന് ശേഷം മുംബൈയിലേക്ക് മുങ്ങുകയായിരുന്നു. പിന്നീട് പോലിസ് മുംബൈയില് നിന്നും പിടികൂടി ബദിയടുക്കയിലേക്ക് കൊണ്ടുവരുന്നതിനിടയില് പോലിസിനെ വെട്ടിച്ച് രക്ഷപ്പെട്ട കേസിലും ഇയാള് പ്രതിയാണെന്ന് പോലിസ് പറഞ്ഞു.
Next Story
RELATED STORIES
70 ബന്ദികളെ ഇസ്രായേല് കൊലപ്പെടുത്തിയെന്ന് അമേരിക്കന്-ഇസ്രായേലി...
25 April 2024 6:33 AM GMTമമത ബാനര്ജിക്കെതിരെ അപമാനകരമായ വാക്കുകള് ഉപയോഗിച്ച സുവേന്ദു...
25 April 2024 6:14 AM GMTവെറ്റിലയും ചുണ്ണാമ്പും നല്കിയാല് ആദിവാസികള് വോട്ട് ചെയ്യുമെന്ന...
25 April 2024 6:12 AM GMTതിരഞ്ഞെടുപ്പ് ഡ്യൂട്ടിക്ക് പോയ ഉദ്യോഗസ്ഥന് കാറിടിച്ചു മരിച്ചു
25 April 2024 6:10 AM GMTനിമിഷ പ്രിയയെ കാണാന് സാധിച്ചതിന്റെ ആശ്വാസവും സന്തോഷവും പങ്കുവെച്ച്...
25 April 2024 6:07 AM GMTകിറ്റ് വിതരണം കെ സുരേന്ദ്രന് വേണ്ടി; തോല്വിയുടെ ആഘാതം കുറയ്ക്കാന് :...
25 April 2024 5:49 AM GMT