മാധ്യമങ്ങള്ക്ക് കൂച്ചുവിലങ്ങിടാനുള്ള ശ്രമങ്ങളെ നേരിടണം: വി എം സുധീരന്
BY fousiya sidheek10 Nov 2017 7:07 AM GMT
fousiya sidheek10 Nov 2017 7:07 AM GMT
കൊല്ലം: മാധ്യമങ്ങള്ക്ക് കൂച്ചുവിലങ്ങിടാനുള്ള ശ്രമങ്ങളെ നേരിടണമെന്ന് മുന് കെപിസിസി പ്രസിഡന്റ് വി എം സുധീരന്. ഏകാധിപത്യ മനോഭാവമുള്ളവരാണ് മാധ്യമങ്ങളെ നിയന്ത്രിക്കാനും സ്വാതന്ത്ര്യം പരിമിതപ്പെടുത്താനും ശ്രമിക്കുന്നതെന്നും അദ്ദേഹം.കൊല്ലം പ്രസ്ക്ലബ് സംഘടിപ്പിച്ച മാധ്യമപ്രവര്ത്തകന് വി ലക്ഷമണന്റെ അനുസ്മരണസമ്മേളനം ഉദ്ഘാടനം ചെയ്യുകയായിരുന്നു സുധീരന്. ജനാധിപത്യ സംവിധാനത്തില് മാധ്യമങ്ങളുടെ പങ്ക് വലുതാണ്. വലിയ വെല്ലുവിളികളാണ് ഇപ്പോള് മാധ്യമപ്രവര്ത്തകര് നേരിടുന്നത്.പാര്ലമെന്റിലെ ഇരുസഭകളുടേയും നിയമസഭകളുടേയും ചര്ച്ചകള് പലപ്പോഴും നടന്നത് മാധ്യമ റിപ്പോര്ട്ടുകളുടെ അടിസ്ഥാനത്തിലാണ്. രാജ്യത്ത് അതിനിര്ണായകമായ ശക്തി തന്നെയാണ് മാധ്യമങ്ങള്. ജനങ്ങളുടെ അറിയാനുള്ള അവകാശമാണ് മാധ്യമങ്ങള് നിര്വഹിക്കുന്നത്. മുന്കാല മാധ്യമ പ്രവര്ത്തനത്തില് നിന്നും വ്യത്യസ്തമായി മല്സരാധിഷ്ടിതമായ ആധുനികകാലത്ത് മാധ്യമങ്ങള് സംഭവങ്ങളുടെ നിജസ്ഥിതിയറിയാതെയാണ് റിപോര്ട്ടുകള് നല്കുന്നത്.പഴയ കാലത്ത് മുകളില് നിന്നും താഴെത്തട്ടു വരെയുള്ള രാഷ്ട്രീയനേതാക്കളും പ്രവര്ത്തകരുമായി ആശയവിനിമയം നടത്തിയ ശേഷമായിരുന്നു വാര്ത്തകള് നല്കിയിരുന്നത് മാറിക്കഴിഞ്ഞു. വാര്ത്തയുടെ വസ്തുതകളും നിജസ്ഥിതിയും മനസിലാക്കാതെയാണ് പലപ്പോഴും വാര്ത്തകള് വരുന്നത്. ഇതിന് മാധ്യമപ്രവര്ത്തകരെ കുറ്റപ്പെടുത്തിയിട്ട് കാര്യമില്ല. കാരണം കാത്തിരിപ്പിന് സമയമില്ലെന്നതാണ്. സത്യത്തെ നിഷേ ധിക്കാതിരിക്കാന് മാധ്യമങ്ങള് ജാഗ്രത കാട്ടണമെന്നും അദ്ദേഹം പറഞ്ഞു. പ്രസ് ക്ലബ് പ്രസിഡന്റ് ജയചന്ദ്രന് ഇലങ്കത്ത് അധ്യക്ഷനായിരുന്നു. കേരളാ മീഡിയാ അക്കാദമി ചെയര്മാന് ആര്എസ് ബാബു അനുസ്മരണപ്രഭാഷണം നടത്തി. വി ലക്ഷ്മ ണന് സ്മാരക ജേണലിസം അവാര്ഡ് എം ഔസിന് സുധീരന് സമ്മാനിച്ചു. പ്രസ്ക്ലബ് സെക്രട്ടറി ജി ബിജു, ട്രഷറര് പ്രദീപ് ചന്ദ്രന് എന്നിവര് സംസാരിച്ചു.
Next Story
RELATED STORIES
ത്രിപുരയില് വീണ്ടും വോട്ടെടുപ്പ് നടത്തണമെന്ന് ഇടതുമുന്നണി; പരാതിക്ക്...
20 April 2024 10:40 AM GMTതനിക്കെതിരെ എസ്എഫ്ഐ നടത്തിയത് പ്രതിഷേധമല്ല, ആക്രമണമാണ്: ഗവര്ണര്...
20 April 2024 10:34 AM GMTപക്ഷിപ്പനി; പഞ്ചായത്ത് തല സമിതികള് കൂടി മേല്നടപടികള് സ്വീകരിക്കും: ...
20 April 2024 10:30 AM GMTതൊഴിലാളികളെ രാഷ്ട്രീയവല്ക്കരിക്കും; എസ്ഡിടിയു സംസ്ഥാന പ്രതിനിധി...
20 April 2024 10:27 AM GMTനുണക്ക് സമ്മാനം കൊടുക്കുകയാണെങ്കിൽ ഒന്നാം സ്ഥാനം വിഡി സതീശന് കിട്ടും : ...
20 April 2024 10:26 AM GMTതെലങ്കാനയില് ക്രിസ്ത്യന് സ്കൂള് ആക്രമിച്ച സംഭവം: 12 ഹിന്ദുത്വരെ...
20 April 2024 9:28 AM GMT