മസ്ഊദിനെതിരേ റെഡ്‌കോര്‍ണര്‍ നോട്ടീസ്

ന്യൂഡല്‍ഹി: പത്താന്‍കോട്ട് ആക്രമണവുമായി ബന്ധപ്പെട്ട് ജയ്‌ശെ മുഹമ്മദ് തലവന്‍ മസ്ഊദ് അസ്ഹര്‍, സഹോദരന്‍ അബ്ദുല്‍ റഊഫ് എന്നിവര്‍ക്കെതിരേ ഇന്റര്‍പോള്‍ റെഡ്‌കോര്‍ണര്‍ നോട്ടീസ് പുറപ്പെടുവിച്ചു. എന്‍ഐഎയുടെ ആവശ്യപ്രകാരമാണ് നടപടി. ആക്രമണത്തിന്റെ ഗൂഢാലോചനയില്‍ ഇവര്‍ക്കു പങ്കുണ്ടെന്ന കണ്ടെത്തലിനെത്തുടര്‍ന്നാണിത്. ഇവരെക്കൂടാതെ കാഷിഫ് ജാ, ഷാഹിദ് ലത്തീഫ് എന്നിവര്‍ക്കെതിരെയും റെഡ്‌കോര്‍ണര്‍ നോട്ടീസ് പുറപ്പെടുവിക്കാന്‍ ദേശീയ അന്വേഷണ ഏജന്‍സി ആവശ്യപ്പെട്ടിരുന്നു. അസ്ഹര്‍ ഉള്‍പ്പെടെയുള്ളവരുടെ ശബ്ദസാംപിളുകള്‍ ദേശീയ അന്വേഷണസംഘം ഇതേ കേസ് അന്വേഷിക്കുന്ന പാകിസ്താനിലെ സംയുക്ത അന്വേഷണസംഘത്തോട് ആവശ്യപ്പെട്ടിട്ടുണ്ട്.