മല കയറാന്‍ ഉസ്താദുമാരോട് യാത്ര ചോദിച്ച് അയ്യപ്പസംഘം

ചവറ: മാനവ സൗഹാര്‍ദമായി അയ്യപ്പഭക്തന്‍മാര്‍ പ്രിയ ഉസ്താദുമാരോട് യാത്ര ചോദിച്ചു മല കയറി. പുലര്‍ച്ചേ ആറോടെ ചവറ മേനാമ്പള്ളി രിഫാഈ മസ്ജിദിലെത്തിയ സംഘം കാണിക്ക നല്‍കുകയും ചെയ്തു.  ഹാഫിള് ഹാഷിം മുസ്്‌ലിയാര്‍, ബിലാല്‍ മുസ്്‌ലിയാര്‍ എന്നിവരെ കണ്ട് യാത്ര ചോദിക്കുകയും പ്രാര്‍ഥിക്കാന്‍ അഭ്യര്‍ഥിക്കുകയും ചെയ്തു. ചവറ ഭരണിക്കാവ്, മേനാമ്പള്ളി സ്വദേശികളായ പത്തോളം ചെറുപ്പക്കാരാണ് ശബരിമല ദര്‍ശനത്തിന് പോയത്. മുമ്പ് നബിദിന റാലിക്കിടെ കോയിവിള ഷെരീഅത്തുല്‍ ഇസ്്‌ലാം ജമാത്ത് ഇമാം ഹാഷിം അസ്ഹരി അയ്യപ്പഭക്തന്‍മാര്‍ക്ക് ഹസ്തദാനം ചെയ്യുന്നത് സോഷ്യല്‍ മീഡിയയില്‍ വൈറലായിരുന്നു.