മല്സ്യത്തൊഴിലാളി ദമ്പതികള്ക്ക് സിഎംഎഫ്ആര്ഐയുടെ ആദരം
BY fousiya sidheek6 May 2017 6:46 AM GMT
fousiya sidheek6 May 2017 6:46 AM GMT
കൊച്ചി: വിവാഹ വാര്ഷിക ദിനത്തില് ഇന്ത്യയിലെ ആദ്യത്തെ മല്സ്യത്തൊഴിലാളി ദമ്പതികളെ കേന്ദ്ര സമുദ്ര മല്സ്യ ഗവേഷണ സ്ഥാപനം (സിഎംഎഫ്ആര്ഐ) ആദരിച്ചു. തൃശൂര് ജില്ലയിലെ കുണ്ടഴിയൂര് സ്വദേശികളായ കരാട്ട് വീട്ടില് കെ വി കാര്ത്തികേയനെയും ഭാര്യ കെ സി രേഖയെയുമാണ് സിഎംഎഫ്ആര്ഐയില് നടന്ന ചടങ്ങില് കേന്ദ്ര കൃഷി സഹമന്ത്രി സുദര്ശന് ഭഗത് പൊന്നാടയും ഉപഹാരവും നല്കി ആദരിച്ചത്. കടലില് ഔട്ട് ബോഡ് വള്ളത്തില് ഒരുമിച്ച് മല്സ്യബന്ധനം നടത്തുന്ന ദമ്പതികള്ക്ക് കൂടുമല്സ്യകൃഷി നടത്തുന്നതിന് കാളാഞ്ചി മീന് കുഞ്ഞുങ്ങളും ദമ്പതികള്ക്ക് കൈമാറി. കടല് മീന്പിടുത്തത്തോടൊപ്പം അധികവരുമാനം നേടുന്നതിനായി സിഎംഎഫ്ആര്ഐയുടെ സാമ്പത്തിക സാങ്കേതിക സഹായത്തിലാണ് കാര്ത്തികേയനും രേഖയും കടലില് കൂടുകൃഷി തുടങ്ങുന്നത്. കടലില് ബോട്ടുപയോഗിച്ച് മീന്പിടുത്തം നടത്തുന്ന ഇന്ത്യയിലെ ആദ്യ വനിതയാണ് രേഖ. വിവാഹ വാര്ഷികദിനവും ജന്മദിനവും ഒന്നിച്ച മെയ് അഞ്ചിന് തന്നെ അംഗീകാരം ലഭിച്ചതിന്റെ സന്തോഷത്തിലാണ് രേഖ. 1998ലായിരുന്നു ഇരുവരുടെയും വിവാഹം. പഴയ ബോട്ടുമായി മീന്പിടുത്തം നടത്തുന്ന തങ്ങള്ക്ക് വന്കിട മല്സ്യബന്ധനയാനങ്ങള്ക്കൊപ്പം എത്താനാവുന്നില്ല. പലപ്പോഴും കടല്വെള്ളം കയറുന്ന തരത്തിലാണ് വീട് നില്ക്കുന്നതെന്നും ദമ്പതികള് പറഞ്ഞു.
Next Story
RELATED STORIES
വിവിപാറ്റ്; കൂടുതല് വ്യക്തത തേടി സുപ്രിംകോടതി; ഉച്ചയ്ക്ക് രണ്ടിന്...
24 April 2024 8:12 AM GMTസുപ്രിംകോടതി നിര്ദേശത്തിന് പിന്നാലെ മാപ്പപേക്ഷിക്കുന്ന പുതിയ...
24 April 2024 6:40 AM GMTമുതല്മുടക്കും ലാഭവിഹിതവും നല്കിയില്ല; മഞ്ഞുമ്മല് ബോയ്സ്...
24 April 2024 6:35 AM GMTവിവി പാറ്റില് വ്യക്തത തേടി സുപ്രിം കോടതി; സാങ്കേതിക വിഷയങ്ങൾ...
24 April 2024 6:22 AM GMTപത്തനംതിട്ടയിൽ കൊവിഡ് വാക്സിൻ എന്ന് തെറ്റിദ്ധരിപ്പിച്ച് വയോധികയ്ക്ക്...
24 April 2024 6:21 AM GMTഇറാനെ വീണ്ടും ആക്രമിച്ചാല് ഇസ്രായേലിനെ പൂര്ണമായും തുടച്ച് നീക്കും;...
24 April 2024 6:04 AM GMT