മംവാഖ് മുച്ചക്ര വാഹനം കൈമാറി

ദോഹ: മലപ്പുറം ജില്ലാ മുസ്‌ലിം വെല്‍ഫെയര്‍ അസോസിയേഷന്‍ (മംവാഖ്) റിലീഫ് പ്രവര്‍ത്തനങ്ങളുടെ ഭാഗമായി നിര്‍ധന കുടുംബാംഗവും വിദ്യാര്‍ഥിയുമായ റഷീദിന് നല്‍കുന്ന മുച്ചക്ര വാഹനത്തിന്റെ താക്കോല്‍ പ്രസിഡന്റ് ശംസുദ്ദീന്‍ ഒളകര കൈമാറി. ദേവതിയാല്‍ ഐസിസിടി മസ്ജിദ് വേദിയില്‍ നടന്ന പരിപാടിയില്‍ മംവാഖ് വൈസ് പ്രസിഡന്റ് യു ഹുസൈന്‍ മുഹമ്മദ്, ജനറല്‍ സെക്രട്ടറി എന്‍കെഎം ഷൗക്കത്ത്, സുഹൈല്‍ ശാന്തപുരം, മുസ്തഫ കെ കെ, വി ടി അബ്ദുസമദ്, ഫസല്‍ കോയ സംബന്ധിച്ചു. മംവാഖ് മലപ്പുറം ജില്ലയില്‍ സംഘടിപ്പിക്കുന്ന മഹല്ല് ശാക്തീകരണത്തിന്റെ ഭാഗമായാണ് റിലീഫ് വിതരണം നടത്തുന്നത്. ശാരീരികക്ഷമതക്കുറവുള്ള റഷീദിന് വിദ്യാഭ്യാസ സ്ഥാപനത്തിലേക്ക് യാത്ര ചെയ്യുന്നതിനുള്ള സൗകര്യമാണ് മംവാഖ് ഏര്‍പ്പെടുത്തി നല്‍കിയതെന്ന് സംഘാടകര്‍ അറിയിച്ചു.