ഭിന്നശേഷിക്കാരുടെ സ്‌കൂളിന് സുരാജ് വെഞ്ഞാറമൂടിന്റെ വക ബസ്

വെഞ്ഞാറമൂട്: ഭിന്ന ശേഷിക്കാരായ കുട്ടികളുടെ സ്‌കൂളിന് സിനിമാതാരം സുരാജ് വെഞ്ഞാറമൂട് ബസ് വാങ്ങിനല്‍കി.
കുറ്റിച്ചല്‍ എസ് ജി സ്‌പെഷ്യല്‍ സ്‌കൂളിനാണ് സുരാജ് ബസ് നല്‍കിയത്. കഴിഞ്ഞ ദിവസം വെഞ്ഞാറമൂട് റോട്ടറി ക്ലബ്ബ് ഹാളില്‍ നടന്ന ചടങ്ങില്‍ കോലിയക്കോട് കൃഷ്ണന്‍ നായര്‍ എംഎല്‍എ ബസ്സിന്റെ താക്കോല്‍ കെ എസ് ശബരിനാഥ് എംഎല്‍എയ്ക്ക് കൈമാറി. ചടങ്ങില്‍ റോട്ടറി ക്ലബ്ബ് പ്രസിഡന്റ് എസ് ശശിധരന്‍നായര്‍ അധ്യക്ഷനായിരുന്നു.
സുരാജ് വെഞ്ഞാറമൂട്, വെഞ്ഞാറമൂട് സര്‍ക്കിള്‍ ഇന്‍സ്‌പെക്ടര്‍ വി എസ് പ്രദീപ് കുമാര്‍, പഞ്ചായത്തംഗം സുജിത് എസ് കുറുപ്പ്, സിനിമാ നടന്‍ സുധീര്‍ കരമന, എ എ റഷീദ്, സജി വി വി, വെഞ്ഞാറമൂട് റോട്ടറി ക്ലബ്ബ് സെക്രട്ടറി എ ആര്‍ സനല്‍കുമാര്‍ സംബന്ധിച്ചു.