ബോണക്കാട് സംഘര്ഷം; സമരാഹ്വാനവുമായി ലത്തീന് സഭയുടെ ഇടയലേഖനം
BY kasim kzm8 Jan 2018 3:30 AM GMT
kasim kzm8 Jan 2018 3:30 AM GMT
തിരുവനന്തപുരം: ബോണക്കാട് സംഘര്ഷത്തിന്റെ പശ്ചാത്തലത്തില് സര്ക്കാരിനെതിരേ സമരം കടുപ്പിച്ച് ലത്തീന് സഭ. സമരാഹ്വാനവുമായി നെയ്യാറ്റിന്കര രൂപതയിലെ പള്ളികളില് ഇന്നലെ ഇടയലേഖനം വായിച്ചു. കുരിശു തകര്ത്ത വര്ഗീയശക്തികള്ക്ക് സര്ക്കാര് ഒത്താശ ചെയ്യുകയാണെന്ന് ഇടയലേഖനത്തില് കുറ്റപ്പെടുത്തി. ബോണക്കാട് കുരിശുമലയിലേക്കു പോയ വിശ്വാസികളെ തല്ലിച്ചതച്ച പോലിസ് നടപടിക്ക് സര്ക്കാരിന്റെ മൗനാനുവാദമുണ്ടെന്നാണ് ലത്തീന് സഭയുടെ വിലയിരുത്തല്. കുരിശ് തകര്ത്ത സാമൂഹികവിരുദ്ധരെ വനംവകുപ്പും പോലിസും സംരക്ഷിക്കുകയാണെന്നും സഭ ആരോപിക്കുന്നു. ആരാധനാ സ്വാതന്ത്ര്യം ഉറപ്പു നല്കിയ സര്ക്കാര് അതു പാലിക്കാത്തതാണ് പ്രശ്നത്തിനു കാരണമെന്നുമുള്ള വിലയിരുത്തലിലാണ് ഇടയലേഖനത്തിലൂടെ പ്രത്യക്ഷ സമരത്തിന് സഭ ആഹ്വാനം ചെയ്യുന്നത്. നീതിയും ന്യായവും പുലര്ത്താന് മൗനം വെടിഞ്ഞു മുഖ്യമന്ത്രി വിഷയത്തില് ഇടപെടണമെന്നും ആവശ്യപ്പെട്ടു. സമരത്തില് ബാഹ്യഇടപെടല് ഉണ്ടായി. ഇതേക്കുറിച്ച് അന്വേഷിക്കാന് സര്ക്കാര് തയ്യാറാവണം. ഇടയലേഖനം വായിക്കുന്നതിനു മുന്നോടിയായി രൂപതയിലെ വിവിധ ഇടവകകളില് ശനിയാഴ്ച വൈകീട്ട് പ്രതിഷേധ പ്രകടനങ്ങള് നടന്നു. നാളെ നടക്കുന്ന സെക്രേട്ടറിയറ്റ് ഉപരോധമാണ് പ്രത്യക്ഷ സമരത്തിന്റെ തുടക്കം. ആര്ച്ച് ബിഷപ് ഡോ. എം സൂസപാക്യം ഉദ്ഘാടനം ചെയ്യുന്ന ഉപവാസസമരത്തില് നൂറുകണക്കിന് വൈദികരും വിശ്വാസികളും പങ്കെടുക്കും. കഴിഞ്ഞ ദിവസം നടന്ന ലാത്തിച്ചാര്ജില് ജുഡീഷ്യല് അന്വേഷണം പ്രഖ്യാപിക്കണമെന്നും പോലിസുകാര്ക്കെതിരേ നടപടി വേണമെന്നും സഭ ആവശ്യപ്പെടുന്നുണ്ട്.
Next Story
RELATED STORIES
റിയാസ് മൗലവി വധം: ജനകീയ കണ്വന്ഷന് അനുമതി നിഷേധിച്ച് പോലിസ്
18 April 2024 12:52 PM GMTകോഴിക്കോട് ഐസിയു പീഡനക്കേസ്; അതിജീവിത കമ്മിഷണർ ഓഫീസിന് മുമ്പിൽ സമരം...
18 April 2024 12:35 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTഇറാന് പിടിച്ചെടുത്ത കപ്പലിലെ മലയാളി യുവതിയെ മോചിപ്പിച്ചു
18 April 2024 12:31 PM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMT