ബൊപ്പയ്യ പ്രോടെം സ്പീക്കറായി തുടരും; സഭാ നടപടികള്‍ ലൈവ് ആയി കാണിക്കണം

ബംഗളൂരു: കര്‍ണാടക നിയമസഭാ പ്രോടെം സ്പീക്കറായി ബൊപ്പയ്യ തുടരുമെന്ന് സുപ്രിം കോടതി. ബൊപ്പയ്യയെ നിയമവിരുദ്ധമായാണ് നിമിച്ചതെന്ന് കാട്ടി കോണ്‍ഗ്രസ് നല്‍കിയ ഹരജിയിലാണ് വിധി. എന്നാല്‍, സഭാ നടപടികള്‍ പൂര്‍ണമായും ലൈവ് ആയി എല്ലാ ചാനലുകളിലും സംപ്രേഷണം ചെയ്യാന്‍ കോടതി ഉത്തരവിട്ടു. ഇതോടെ കോണ്‍ഗ്രസ് തങ്ങളുടെ ഹരജി കോണ്‍ഗ്രസ് പിന്‍വലിക്കാന്‍ തയ്യാറായി.

ഏറ്റവും മുതിര്‍ന്നയാളെ പ്രോടെം സ്പീക്കറാക്കണമെന്ന സുപ്രിം കോടതി ഉത്തരവ് ലംഘിച്ചുവെന്ന് കാട്ടിയാണ് ബൊപ്പയ്യയുടെ നിമനത്തിനെതിരേ കോണ്‍ഗ്രസ് സുപ്രിം കോടതിയെ സമീപിച്ചത്. എട്ട് തവണ എംഎല്‍എ ആയ കോണ്‍ഗ്രസ് അംഗത്തെ അവഗണിച്ചാണ് നാല് തവണ അംഗമായ ബൊപ്പയ്യയെ മുന്‍ ആര്‍എസ്എസുകാരനായ ഗവര്‍ണര്‍ നിയമിച്ചത്.