ബെഞ്ച് ഹണ്ടിംഗിനെതിരെ ആക്ടിങ് ചീഫ് ജസ്റ്റീസ്, ജസ്റ്റിസ് ആന്റണി ഡൊമിനികിന്റെ നടപടി റദ്ദാക്കി
BY ajay G.A.G20 Jun 2018 11:14 AM GMT
X
ajay G.A.G20 Jun 2018 11:14 AM GMT
കൊച്ചി: കേസ് കേള്ക്കാന് അഭിഭാഷകര് തങ്ങള്ക്ക് ഇഷ്ടമുള്ള ജഡ്ജിയെ തിരഞ്ഞെടുക്കുന്ന ബഞ്ച് ഹണ്ടിംഗ് എന്നറിയപ്പെടുന്ന പ്രവണതക്കെതിരെ പുതുതായി ചുമതലയേറ്റ ഹൈക്കോടതി ആക്ടിങ് ചീഫ് ജസ്റ്റിസ് ജസ്റ്റിസ് ഋഷികേശ് റോയി. കേസ് കേള്ക്കേണ്ട ജഡ്ജിയെ തീരുമാനിക്കേണ്ടത് അഭിഭാഷകരല്ലെന്നും ഇത്തരമൊരവസ്ഥ ആശാസ്യമല്ലെന്നും ഋഷികേശ് റോയി നിരീക്ഷിച്ചു. അഭിഭാഷകര് കേസ് കേള്ക്കാന് സ്വന്തം ഇഷ്ടപ്രകാരം ജഡ്ജിമാരെ തിരഞ്ഞെടുക്കുന്ന രീതി അനുവദിക്കാനാകില്ലെന്നും അഭിഭാഷകരുടെ ആവശ്യ പ്രകാരം ബെഞ്ച് മാറ്റി നല്കിയ മുന് ചീഫ് ജസ്റ്റിസ് ആന്റണി ഡൊമിനികിന്റെ നടപടി റദ്ദാക്കിക്കൊണ്ട് ആക്ടിങ് ചീഫ് ജസ്റ്റിസ് വ്യക്തമാക്കി.
ജസ്റ്റിസ് ചിദംബരേഷിന്റെ ബെഞ്ചില് നിന്നും കേസ് മാറ്റി നല്കണമെന്ന നാല് അഭിഭാഷകരുടെ ആവശ്യം ജസ്റ്റിസ് ആന്റണി ഡൊമിനിക് അധ്യക്ഷനായിരിക്കെ ഹൈക്കോടതി അഡ്മിനിസ്ട്രേറ്റിവ് കമ്മിറ്റി അംഗീകരിച്ചിരുന്നു. ഈ നടപടിയാണ് പുതുതായി ചുമതലയേറ്റ ആക്ടിങ് ചീഫ് ജസ്റ്റിസ് ഹൃഷികേശ് റോയിയുടെ നേതൃത്വത്തിലുള്ള അഡ്മിനിസ്ട്രേറ്റീവ് കമ്മിറ്റി റദ്ദാക്കിയത്.
പാലക്കാട്ടെ ഒരു ഭൂമി തര്ക്കവുമായി ബന്ധപ്പെട്ട കേസാണ് ഇത്തരമൊരു അസാധാരണ നടപടിയിലേക്ക് നയിച്ചത്. ജസ്റ്റിസ് വി.ചിദംബരേഷ് പരിഗണിച്ചിരുന്ന കേസിലെ ഫയല് കാണാതായിരുന്നു. ബന്ധപ്പെട്ട ഉദ്യോഗസ്ഥന്റെ സഹായത്തോടെ അഭിഭാഷകനോ ഗുമസ്തനോ ആവാം ഫയല് മാറ്റിയതെന്ന് ഇക്കാര്യം അന്വേഷിച്ച ഹൈക്കോടതി വിജിലന്സ് രജിസ്ട്രാര് റിപ്പോര്ട്ട് സമര്പ്പിച്ചു. തുടര്ന്ന് കേസ് പരിഗണിക്കുന്നതിനിടെ ജസ്റ്റിസ് ചിദംബരേഷില് നിന്നും അഭിഭാഷകര്ക്ക് എതിരെ ചില പരാമര്ശങ്ങളുണ്ടായി. ഇതേത്തുടര്ന്ന്, ജസ്റ്റിസ് ചിദംബരേഷിന്റെ ബെഞ്ചില് നിന്ന് കേസ് മാറ്റണമെന്ന് ആവശ്യപ്പെട്ട് അഭിഭാഷകര് അന്ന് ചീഫ് ജസ്റ്റിസായിരുന്ന ആന്റണി ഡൊമിനിക്കിനെ സമീപിച്ചു.
അഭിഭാഷകരുടെ ആവശ്യം ആന്റണി ഡൊമിനിക്ക് അധ്യക്ഷനായ അഡ്മിസ്ട്രേറ്റീവ് കമ്മിറ്റി കഴിഞ്ഞ മാസം 28ന് ചേര്ന്ന യോഗത്തില് അംഗീകരിച്ചിരുന്നു. ജസ്റ്റിസുമാരുടെ ബെഞ്ചില് നിന്ന് കേസുകള് മാറ്റുന്നത് സംബന്ധിച്ച് മുന് ചീഫ് ജസ്റ്റിസിനെതിരെ വിരമിച്ച ഹൈക്കോടതി ജസ്റ്റിസ് കെമാല് പാഷ രംഗത്തു വന്നത് അടുത്തിടെ വിവാദമായിരുന്നു.
Next Story
RELATED STORIES
കളമശേരി സ്ഫോടനം: കോടതിയിൽ കുറ്റപത്രം സമർപ്പിച്ചു
23 April 2024 12:04 PM GMTകെജ് രിവാളിനും കെ കവിതക്കും ജയിൽ മോചനമില്ല; ജുഡീഷ്യൽ കസ്റ്റഡി...
23 April 2024 11:46 AM GMTതിരഞ്ഞെടുപ്പ് പ്രചാരണത്തിന് ആരെയും ചുമതലപ്പെടുത്തിയിട്ടില്ല;...
23 April 2024 11:44 AM GMTസൂറത്തിലെ കോണ്ഗ്രസ് സ്ഥാനാര്ഥിയെ കാണാനില്ല; ബിജെപിയില്...
23 April 2024 11:34 AM GMTകോഴിക്കോട് മെഡിക്കല് കോളജ് ഐസിയു പീഡനക്കേസ് അതിജീവിതയുടെ സമരം...
23 April 2024 11:31 AM GMTമോദിയുടെ വര്ഗീയപ്രസംഗം: പരാതി പരിശോധിച്ചു വരികയാണെന്ന് തിരഞ്ഞെടുപ്പ്...
23 April 2024 11:02 AM GMT