ബിജെപി നേതാക്കളെ വെട്ടികൊലപ്പെടുത്താന്‍ ശ്രമം:സിപിഎം പ്രവര്‍ത്തകര്‍ അറസ്റ്റില്‍

കണ്ണൂര്‍: ബിജെപി നേതാക്കളെ വെട്ടികൊലപ്പെടുത്താന്‍ ശ്രമിച്ച കേസില്‍ രണ്ട് സിപിഎം പ്രവര്‍ത്തകര്‍ അറസ്റ്റില്‍.ശിവപുരം ലോക്കല്‍ സെക്രട്ടറി കേളോത്ത് ഗോവിന്ദന്‍, മനോഹരന്‍ എന്നിവരെയാണ് പേരാവൂര്‍ സി.ഐ അറസ്റ്റ് ചെയ്തത്. ഇതോടെ ഈ കേസില്‍ അറസ്റ്റിലായവരുടെ എണ്ണം എട്ടായി.



കഴിഞ്ഞ 19 ന് രാത്രി പേരാവൂരിലാണ് സംഭവം. ബി.ജെ.പി മട്ടന്നൂര്‍ നിയോജക മണ്ഡലം പ്രസിഡന്റ് അടക്കമുള്ള നേതാക്കളെ കാര്‍ തടഞ്ഞ് വെട്ടിക്കൊലപ്പെടുത്താന്‍ ശ്രമിക്കുകയായിരുന്നു. ആക്രമണത്തില്‍ അഞ്ച് പേര്‍ക്ക് വെട്ടേറ്റിരുന്നു.