ബാങ്ക് കലക്ഷന് ഏജന്റിനെ തട്ടിക്കൊണ്ടു പോയി മര്ദ്ദിച്ചു; യുഡിഎഫ് സ്ഥാനാര്ഥി അറസ്റ്റില്
BY Sumeera SMR4 Nov 2015 4:44 AM GMT
Sumeera SMR4 Nov 2015 4:44 AM GMT
അടിമാലി: ബാങ്ക് കലക്ഷന് ഏജന്റിനെ തട്ടിക്കൊണ്ടു പോയി മര്ദ്ദിച്ചു റോഡില് തള്ളിയ കേസില് യുഡിഎഫ് സ്ഥാനാര്ഥി അറസ്റ്റില്. തിരഞ്ഞെടുപ്പുമായി ബന്ധപ്പെട്ടുണ്ടായ തര്ക്കത്തെ തുടര്ന്ന് മാങ്കുളം മുനിപാറ സ്വദേശി വരിക്കയില് സണ്ണി(45)യേയാണ് തട്ടിക്കൊണ്ടു പോയത്. മാങ്കുളം പഞ്ചായത്തിലെ യുഡിഎഫിന്റെ ഏഴാം വാര്ഡ് സ്ഥാനാര്ഥി സാബു ജോസഫിനെയാണ് മൂന്നാര് പോലിസ് അറസ്റ്റ് ചെയ്തത്. ഇന്നലെ വൈകിട്ട് ആറരയോടേയാണ് സംഭവം. സണ്ണി മാങ്കുളത്തെ ജില്ലാ സഹകരണ ബാങ്കിലെ കലക്ഷന് ഏജന്റും പത്ര ഏജന്റുമാണ്.തിരഞ്ഞെടുപ്പു ദിവസം യുഡിഎഫ് സ്ഥാനാര്ഥിക്കെതിരെ പ്രവര്ത്തിച്ചെന്നാരോപിച്ചാണ് മര്ദ്ദിച്ചതെന്ന് സണ്ണി പറഞ്ഞു. മര്ദ്ദിക്കുന്നതിനിടെ ഇടപാടുകാരില് നിന്നും വാങ്ങിയ പണവും അക്രമികള് കവര്ന്നതായി ഇയാള് പറഞ്ഞു മര്ദ്ദിക്കുമെന്ന് അറിയിപ്പു നല്കിയ ശേഷം വാഹനത്തില് എത്തിയ മൂന്നംഗ സംഘമാണ് തട്ടിക്കൊണ്ടു പോയത്. പിന്നീട് രാത്രി വൈകി സണ്ണിയെ മാങ്കുളം-കല്ലാര് റോഡരുകിലെ കുറ്റിക്കാട്ടില് നിന്നും അവശനിലയില് കണ്ടെത്തുകയായിരുന്നു. ഇയാളെ നാട്ടുകാരുടെ സഹായത്തോടെ അടിമാലി താലൂക്കാശുപത്രിയില് എത്തിച്ചു. അറസ്റ്റിലായ സാബുവിനൊപ്പം കാടന് ജോബി, വീരപ്പന് ബിനു എന്നിവരും സഹായത്തിനുണ്ടായിരുന്നു. മുന്നാറില് നിന്നെത്തിയ പോലിസ് സംഘം പ്രതികളെ അറസ്റ്റു ചെയ്യ്തു. സംഘര്ഷാവസ്ഥ കണക്കിലെടുത്തു മൂന്നാര് എഎസ്പി മെറിന് ജോസഫിന്റെ നേതൃത്വത്തില് വന് പോലിസ് സംഘം മാങ്കുളത്തേക്ക് തിരിച്ചു.
Next Story
RELATED STORIES
റിയാസ് മൗലവി വധം: ജനകീയ കണ്വന്ഷന് അനുമതി നിഷേധിച്ച് പോലിസ്
18 April 2024 12:52 PM GMTകോഴിക്കോട് ഐസിയു പീഡനക്കേസ്; അതിജീവിത കമ്മിഷണർ ഓഫീസിന് മുമ്പിൽ സമരം...
18 April 2024 12:35 PM GMTപ്രമേഹം കൂട്ടി ജാമ്യം ലഭിക്കാൻ കെജ്രിവാൾ ജയിലിൽ മാങ്ങയും മധുരവും...
18 April 2024 12:34 PM GMTഇറാന് പിടിച്ചെടുത്ത കപ്പലിലെ മലയാളി യുവതിയെ മോചിപ്പിച്ചു
18 April 2024 12:31 PM GMTകാസര്കോട് മോക്പോളില് ബിജെപിക്ക് അധിക വോട്ട് കിട്ടിയിട്ടില്ല;...
18 April 2024 10:13 AM GMTലോക്സഭാ തിരഞ്ഞെടുപ്പ്; നാലാംഘട്ട വിജ്ഞാപനം പുറത്തിറക്കി തിരഞ്ഞെടുപ്പ് ...
18 April 2024 10:10 AM GMT