ബാങ്കില്‍ നിക്ഷേപിക്കാനുള്ള 22 കോടിയുമായി മുങ്ങിയ ഡ്രൈവര്‍ അറസ്റ്റില്‍

ന്യൂഡല്‍ഹി: സ്വകാര്യ ബാങ്കില്‍ നിക്ഷേപിക്കാനുള്ള 22.5കോടിയുമായി മുങ്ങിയ ജീപ്പ് ഡ്രൈവര്‍ പിടിയിലായി. പ്രദീപ് ശുക്ല എന്ന ഡ്രൈവര്‍ ഇന്നലെ രാത്രിയാണ് പോലിസ് പിടിയിലായത്.

വികാസ് പുരി ബാങ്കില്‍ നിക്ഷേപിക്കാനുള്ള പണവുമായാണ് പ്രദീപ് മുങ്ങിയത്. സെക്യൂരിറ്റി ജീവനക്കാരനെ ബാങ്കിന്റെ പുറത്ത് നിര്‍ത്തി ജീപ്പ് തിരിച്ചുവരാമെന്ന് പറഞ്ഞാണ് പ്രദീപ് മുങ്ങിയത്. പിന്നീട് സെക്യൂരിറ്റി ജീവനക്കാരന്‍ ജീപ്പിനെ പിന്തുടര്‍ന്നപ്പോള്‍ വിജനമായ സ്ഥലത്ത് ജീപ്പ് മാത്രം കണ്ടെത്തുകയായിരുന്നു. തുടര്‍ന്ന് നടത്തിയ അന്വേഷണത്തിലാണ് പ്രദീപ് പോലിസ് പിടിയിലായത് . ഇയാളില്‍ നിന്ന് മുഴുവന്‍ തുകയും ലഭിച്ചിട്ടുണ്ട്.